Portua

Egilea: JB  |  Atala: Hemeroteka, Iritziak / Opiniones

Aroa euritsu. Abenduko asteluneko egun arrunt bat. Obretan den autolekura begira egoitza gorak. Adrailuzko tximenea. Portu handian grua blu eta horien lepo luzeak. Insekto ikaragarri. Burdin metak. Erdoilaren edertasuna. Bertze puntan herri zaharra hasten da. Adin gabeko herria: Pasaia Donibane. Inguruan, lanoz estalia, Jaizkibel. Maldan gora, etxeen artean barrena, arkuen petik zuzen doa karrika hertsi bakarra, justu auto batendako aski zabala dena. Karrikako lauzak dirdiran. Ateri. Paretak urre zaharraren kolore. Jondone Joane Bautista bildotsarekin elizan. Landareak leiho eta balkoietarik. Emaztea tarrapataka, plastikozko zaku zuria konprekin eskutik dilindan. Eguerdiko biak. Etxera doake bazkaria gogoan. Amona batek, haur-karrosan kukutua den sematxipiari, euskaraz. Afixak eta pankartak, batzuk zaharrak ortzantzek eta haizeek erdi ezabatuak, bertzeak berriak, nonahi ezarriak karrikaren bi aldeetarik. Herri guztia karrasika ari balitz bezala: «Libere, libre, liberu», «No apartheid», «Herriaren hitza errespetatu», «Jaizkibel bizirik», «Superporturik ez». Kresalaren usaina. Arrain saltzailearen dendak karrikara ematen. Bitrinan antxoak. Gizona, bere euritakoa bildua ezkerreko besotik, dendatik jalgitzen: «Agur Pedro Mari!» derro norbaitek barrenetik. Baian uraren berdea. Parean Pasaia San Pedro. Burdinazko ontzi ederrak. Bat bereziki, Helios izena duena. Laranja eta zuri. Han urrunean, baiaren akabantzan. Itsas zabala.

Aurelia Arkotxa

www.berria.info

JAIZKIBEL, RED NATURA 2000

Egilea: Jaizkibel Bizirik  |  Atala: Jaizkibel

Jaizkibel mendia Natura 2000 Sarearen parte da 2004koa bendutik; honek esan nahi du Europa mailako babes eremuen sarearen parte dela. Kontsultatu atal honetan Sare honi buruzko informazioa eta Jaizkibel eremuaren (ES2120017 kodearekin) dokumentuak.

El monte Jaizkibel está incluido en la Red Natura 2000 desde diciembre de 2004, lo que implica formar parte de una red de espacios protegidos a nivel europeo. Consulta la información relacionada con esta Red y los documentos correspondientes al espacio Jaizkibel (con el código ES2120017).

«Jaurlaritzak berak babestu duen naturgunea hondatuko du portuak»

Egilea: JB  |  Atala: Hemeroteka

Talde ekologistek Eusko Jaurlaritzari zentzuz jokatzeko eta atzera egiteko eskatu diote

Pasaian eraiki nahi duten kanpoko portuak Eusko Jaurlaritzak berak babestu duen naturgunea hondatuko duela salatu dute talde ekologistek. Kanpoko portua Jaizkibelgo itsaslabarren magalean egitea aurreikusten da proiektuan. Segi irakurtzen…