Quién somos

Logo Agora Vectorial-01Definición:

AGORA País Llionés ye una organización llionesa autónoma, con calter de conceyu participativu, entamada sobro un abanicu de sensibilidaes d’esquierda que tienen como base plantegamientos comunes, como la democracia participativa, el llaicismu, l’ecoloxismu, el feminismu, el socialismu, el llionesismu, y l’internacionalismu y el dreitu d’autodetermín. Y con eso asumimos, como fines cimeiros del nuesu llabor, la busca y construcción d’un País Llionés acordias con estos principios.

Misión:

AGORA País Llionés ye una entidá nacional, cultural, política y social que, enferronada conas necesidaes de la mayoría social llionesa y dende una visión d’esquierda, tien como principal oxetivu l’articulación propia de fuercias que contribuya pal xurdimientu d’un Movimientu Popular Llionés, fuerte y auto-organizáu, qu’al traviés de la tresformación social, dea orixe a una sociedá ensin clases, solidaria, democrática, llibre, xusta, igualitaria y en paz.

Esti Movimientu habrá d’axuntar y organizar nuna unidá d’aición socio-política a los sectores sociales, culturales, sindicales, políticos ya individualidaes asitiaos nos eixes de la Esquierda Llionesista, pa dar una contestación non marxinal a la situación esfarrapada qu’anguaño soportamos nos planos social, ambiental, identitariu y económicu.

Entrevista a AGORA País Llionés (2009):