Xornadas de formación 2015

Afondando na construcción del proyeutu políticu escomenzáu cuasi ochu años ha, y sobro las mesmas necesidaes descubridas nel 2013 que nos llevaron a facer las primeiras xornadas (na Comarca de Tábara), entamamos outra vuelta unas xornadas d’autoformación, cola idea de facer más fuertes las conocencias teóricas y ferramientas d’analís de la nuesa militancia, pa poder comprender meyor el tiempu históricu d’agora y confrontiar con fuercia las turriadas que’l pueblu llionés carez aguañu.

Las xornadas allugáronse nesta ocasión na Comarca de Cabreira, con tres días de ponencias y aldriques alredor de la sesión formativa “Identidá, pueblu y lliberación nacional” y del foro “El réxime del 78 y la rotura democrática”, cola gran ayuda de cuatru escritos. Hubo tiempu tamién pal espardimientu, la convivencia ou la visita a la comarca, d’un gran valir natural y cultural, y qu’está recuperando la súa toponimia tradicional con nuevos cartelos nos sous puebros.

Tres días que, en resume, van dar un nuevu puxu al llabor futuru d’AGORA País Llionés, con proyeutos que bien ceo espayarán.