Los días 17 y 18 d’outubre celebróuse n’Uviéu (Asturies) el DMR ’14. Esta axuntanza entamada por la organización moza Darréu, a la qu’agradecemos el convite, ye na acordanza de la Revolución d’Outubre de 1934, última revolución proletaria d’Europa Occidental, qu’asocedéu d’un xeitu principal n’Asturies, pero que tamién tuvo gran repercusión nel nuesu País Llionés, en particular nas cuencas mineiras.
Nesta vez, van asistir las delegaciones internacionales d’Ernai (Euskal Herria), Isca (Galiza), Yesca (Castilla) y la parte más moza d’AGORA País Llionés.

El primer día a la tarde hubo ponencias sobro la propia revolución d’outubre del 34, la reivindicación llingüística, el feminismu y la lluita obreira. y el sábadu a la mañana el turnu foi pa las delegaciones internacionales con presentación de las nuesas organizaciones, la historia del movimientu de la modedá d’esquierda soberanista nos respeutivos países, las situaciones sociales anguañu y las perspeutivas de trabayu cara’l futuru. Más tarde, hubo un xantar popular y un caminu polos llugares de la ciudá onde asocedieron feitos principales de la revolución del 34.
Las xornadas finaron colos conciertos de La Tarrancha, Skontra, Skama la Rede y Avientu, grupos qu’axuntan la bona música y las lletras con conciencia pa cola clas trabayadora y los pueblos premíos.

Pa finar, dar la nuesa norabuena a Darréu por estas prestosas xornadas, al Local Cambalache qu’acoyéu gran parte de las actividaes y a tolas organizaciones participantes que creen que l’internacionalismu ye necesariu p’articular aiciones dirixidas al entendimientu entre los pueblos trabayadores.