Prezento de la anarkiismo per fabelo pri anonima profeto. Tradukita de O. Pires de Holanda.
"Bonegan ideon havis k-do Gilbert Ledon, kiam li decidis reeldoni "Evangelio de la Horo", verkita de Paul Berthelot antaŭ la unua mondmilito. Tiu juna anarkiisto (li mortis en 1910, kiam li estis 30-jara, pro paludismo) havis la iniciaton verki broŝuron por prezenti la liberecanajn ideojn sur originala formo. Fakte li verkis tekston, kiu imitas la stilon de la kristanaj evangelioj. Kaj tre malice, kun false naiva modesteco, li alportas novan evangelion al la homaro. Jen eroj kiuj ĝin resumas:
23.- Tiu, kiu volas labori por sia ekskluziva profito, nenion bonan aŭ longdaŭran povas fari.
24.- Li ne kuraĝas planti arbojn nek konstrui domon, ĉar multaj aliaj ilin estonte profitos post li.
25.- Sed tiu, kiu laboras por ĉiuj, profitos de la laboro de ĉiuj.
26.- Ĉar en tiu tempo nenio apartenos al tiu ĉi aŭ tiu, sed ĉio apartenos al ĉiuj."
("Sennaciulo", junio 1990)
|
|
|
|
|
|
