El llíder palestín convida al home fuerte en Chechenia

El presidente palestín Mahmud Abbas convidó esti xueves al controvertíu llíder la conflicitiva rexón rusa de Chechenia a visitar los territorios palestinos, sigún afirma un comunicáu del Gobiernu chechenu.

AFP, 28 Xineru 2010. Astur-Txetxén

El presidente palestín Mahmud Abbas convidó el xueves (28 de Xineru) al controvertíu llíder de la conflicitiva rexón rusa de Chechenia a visitar los territorios palestinos, sigún afirma un comunicáu del Gobiernu chechenu.
Abbas, que taba de visita en Rusia, fizo un convite al presidente chechenu Ramzan Kadyrov durante un alcuentru con un altu cargu chechenu en Moscú, afirma’l mesmu comunicáu. “Prestaríame face-y un convite personal a Ramzan Kadyrov a que visite Palestina. Taremos felices de velu”, afirmó Abbas durante l’alcuentru con Odes Baisultanov, primer ministru chechenu.

Kadyrov, cabezaleru del gobiernu rexonal en Chechenia sofitáu por Moscú, vién recibiendo acusaciones, por parte de grupos de drechos humanos, de llevar a cau continuos secuestros y asesinatos dirixíos a detener la insurxencia islamista nesta conflictiva rexón. Por embargu, incluso los críticos de Kadyrov almiten que’l su mandatu llevó a Chechenia un gráu d’estabilidá altu dempués de dos sangrines guerres separatistes na rexón que siguieron al colapsu en 1991 de la Xunión Soviética.

Abbas tién rellaciones d’amistá con Kadyrov, y alabó los esfruercios reconstructivos de Kadyrov durante la su visita a Chechenia en 2008.