Index | Palestina 2008
Actualidad
PALESTINA

Palestina

 

Delles organizaciones sociales asturianes y l’Axencia Asturiana de Cooperación al Desarrollu apoyen l’Informe Goldstone sobre crímenes de guerra en Gaza

Recordaron-y la eliminación pol parlamentu de la xurisdición universal y la postura d’abstenese remanada por España nel conceyu cellebráu en Xinebra de la Comisión de Derechos Humanos sobre Crímenes de Guerra y de lesa humanidá en Palestina, y un cambiu de rumbu de la fuína política d’esi país en rellación col apartheid qu’Israel exerce sobre’l pueblu palestín, magar qu’el 1 de Xineru entama’l periodu de presidencia semestral de la Xunión Europea

Comite de Solidariedá cola Causa Árabe-CSCA

El Comité de Solidaridá cola Causa Árabe-CSCA, la Cordinadora d’ONGs, Amnistía Internacional n’Asturies, la caderalga de Derechu Internacional Públicu de la Universidá d’Uviéu-Oviedo, Paz d’Andrés, y el cabezaleru de la Axencia Asturiana de Cooperación al Desarrollu del gobiernu asturianu, Rafael Palacios sopelexaron l’Informe Goldstone nuna rueda prensa que ufrieron el pasáu xueves na Conseyería de Servicios Sociales.

Reclamen-y dafechu al gobiernu español que remane les recomendaciones y conclusiones del informe fechu pola Misión d’Investigación de Naciones Xuníes sobre Gaza, robláu pol xuez surafricanu Richard Golstone. Recordaron-y la eliminación pol parlamentu de la xurisdición universal y la postura d’abstenese remanada por España nel conceyu cellebráu en Xinebra de la Comisión de Derechos Humanos sobre Crímenes de Guerra y de lesa humanidá en Palestina, y un cambiu de rumbu de la foína política d’esi país en rellación col apartheid qu’Israel exerce sobre’l pueblu palestín, magar qu’el 1 de Xineru emprincipia el periodu de presidencia semestral de l’Aunión Europea. Como amuesa del respetu de les lleis internacionales y de los diferentes convenios de Derechos Humanos robláos pol estáu español, esixeron-y qu’encontie su cumplimientu nel sistema de les Naciones Xuníes, incluyendo’l Conseyu de Seguridá y el Tribunal Penal Internacional.

            Asina, Manuel García Fonseca pol Comité de Solidaridá cola Causa Árabe d’Asturies y Ángeles Alonso pola Cordinadora de ONGD del Principáu d’Asturies presentaron les actividáes que desendolcarán con motivu del Día Internacional de Solidaridá col pueblu palestín del próximu 29 de Payares.

            Alredor d’esa data tan previstos dellos actos públicos ente los que destaquen la concentración que se fadrá en Paséu Begoña el 28 de Payares y l’Alderique que tendrá llugar el 11 d’Avientu na Escuela d’Hostelería, dambos en Xixón na que participarán el director Cientru Palestín de Derechos Humanos de Gaza, el xurista Raji Sourani, l’abogáu y coordinador de Esquierda Xunida d’Asturies Jesús Iglesias y Carlos Villán Durán, profesor de Derechu Internacional Públicu, miembru de la Oficina del Altu Comisionáu de les Naciones Xuníes pa los Derechos Humanos en Xinebra y Presidente de AEDIDH (Asociación Española pal Derechu Internacional de los Derechos Humanos).

            El vienres 27 de Payares a les 19:30 hores proyectaráse nel Cientru Conceyeru d’El Llano de Xixón el documental “Los Escaecíos de Palestina”, grabáu nel mes de mayu n’estremaos sitios de Cisxordania por un equipu de la Productora de Programes del Principáu cola andecha de la Axencia Asturiana de Cooperación al Desarrollu d’Asturies, qu’amuesa l’estropiciu de los llargos años d’ocupación del estáu israelí sobre la vida del pueblu palestín.

            El 27 de Payares inaugurarase na sala d’Exposiciones de la Biblioteca Pública Xovellanos de Xixón l’amuesa PAZlestina, del artista gráficu Juan Kalvellido, hasta’l 15 d’Avientu