Pa que nun mos abandone la hestoria *

Una serie de organizaciones solidarias españolas han elevado una protestra ante autoridades israelíes y han pedido al Ministerio de Asuntos Exteriores y de Cooperación que adecúe su política ante Israel por su sitemática política de vulnerar las leyes internacionales y profundizar en su política de colonización y judeización de la ciudad de Jerusalén, en el que el cierre del Centro Nidal es sólo un ejemplo.

http://arteypalabraporlapaz.jimdo.com/
Tornáu del gallegu por Xabel Peridiello

La madre d’un soldáu israelí prepara-y la comida y diz-y al so fíu: Mira fíu, vas, mates un enemigu y comes esta comida que te preparé; una vez qu’acabes, vuelves y mates otru enemigu- Entos, descanses y vuelves comer un pocu y asina sucesivamente, pero tienes que descansar ente ún y otru. Darréu, el fíu contesta-y: Pero má, ¿y si el enemigu aprovecha y me mata demientres toi descansando? La madre israelina, sollerte, retrúca-y: Fíu, ¿qué podría tener contra tí pa matate?.

Esti relatu que circula na sociedá israelina espeya hasta qué puntu se deshumaniza al enemigu.

L’enemigu (o palestín, nesti casu) carez de motivos y causes pa la resistencia. La so hestória ta amputada y entama siempre col últimu acontecimientu, asina xustificaron les sos agresiones, y tamién la más reciente na fastera de Gaza. D’esto tradúzse que los palestinos practiquen la violencia por placer, como si la violencia tuviese un componente xenéticu árabe esclusivu.
La dramática situación de los palestinos consiste en que la metá de la población vive nos campos de refuxaos y la otra metá tá baxu la ocupación; de manera tala que si el pueblu palestín asume ser ocupáu, Israel nun tien qu’eliminalu. Agora bien, al refugar esta situación conviértense en terroristes a baltiar. Nun hai muncho Israel dicía qu’el problema yera la OLP, depués yera la primera Intifada, depués Arafat convirtiose na so bestia prieta –asediáu hasta la so muerte- y agora toca-y a Hamás… Al marxen de quien conduza el lideralgu palestín, lo que nun acaba d’entender Israel ye que la resistencia nun ye ideolóxica; ún non llucha porque seya comunista, musulmán o laicu, sinón que resiste como condición de ciudadanu ocupáu que pretende algamar la so llibertá empobinando esi sentimientu a traviés de la ideoloxía que camienta afayaíza p’alcanzar el so oxetivu.

La relación d’Israel colos palestinos ye una ralación violenta. Dende la so creación, el so oxetivu ye gatuñar más territorios ya expulsar el mayor númberu posible de palestinos. Ye un estáu que vivió y vive pola colonización a la fuercia.

Nel mal nomáu “procesu de Paz”, los palestinos víen que la so situación taba ca vez peor, son abondo menos llibre qu’enantes, son munchu más probes qu’enantes… porque Israel en vez d’esmantelar los pegoyos de la ocupación,  -lo que ayudaría a la paz-, aprovechó la oportunidá p’afitalos. A saber: l’aumentu de los colonos, l’arrampuñu de territorios, la costrución del muriu, que suponía xunta los controles militares la fragmentación xeográfica ya‘l robu de los recursos naturales. El sentimientu creciente de la población ye qu’esti procesu nun sólo ya inutil, sinón que foi dañín pa les sos aspiraciones nacionales. La fastera de Gaza, que foi sometía na cabera agresión el 27 de Setiembre de 2008, nun ye nin un imperiu nin un estáu, ye’l campu de concentración más grande del mundu onde habiten un millón y mediu de palestinos asediáos nuna zona xeográfica que non supera los 360 km2. Nesta agresión, Israel nun persiguió al palestín de Hamás, nin al cristianu, nin al comunista… símplemente naguaba asesinar al palestín por selo. Mete-y miéu, el terror y l’esaniciu como política de disuasión de la población civil.

Caló na opinion pública l’argumentación de que carecíamos d’ún interlocutor válidu resultáu d’ún procesu democráticu; fechu realizáu en Xineru de 2006 cuyos resultaos otorgaron-y a la organización de Hamás la mayoría del Conseyu-Parlamentu Palestín. Esto supuso l’aniciu d’una travesía dura ya inhumana pa los palestinos porque descubrimos que lo que se-y esixía nun yeren eleiciones sinón resultaos d’unes eleiciones, cosa que nun foi acordies colo qu’ellos esperaben. Si enantes de les eleiciones teníemos ocupación militar, a partir d’elles el castigu  ye l’embargu. Ye  la primera vez na Hestoria que se castiga a una población civil ocupada y quiciás tamién seya la primer vez qu’esto ocurre depués d’unes eleiciones democrátiques.

Na última guerra vimos una amuesa del poder militar absolutu, asoleyando lo abondo de la so crueldá, que amenorgó la poca moralidá que yos quedaba; la fuercia dá un placer sádicu, insaciable y rápidu.

Israel tienlo too: poder, desarrollu, fuercia.., too menos el sentimientu de estabilidá y seguridá.

Una reflexón: una sociedá con doscientes cabezes nucleares, con ún de los exércitos más poderosos del planeta, con casi toles guerres ganáes militarmente, tovía asina ye l‘estáu con menor sentimientu de seguridá. Sería perclaro dicir que ye un estáu que naz de la violencia y la so existencia ye pola fuercia.

El fracasu foi por agora l’únicu resultáu de toles iniciatives de solución del conflictu.
 
Esto ábrenos una reflexón: pártese d’ún diagnósticu erróneu qu’imposibilitaría un tratamientu eficaz. N’ocasiones trátase como si fuese una cuestión humanitaria ya involucrense n’ayudes económiques; n’otru apartáu, delles organizaciones intenten organizar alcuentros de les dos partes, el conflictu trátase como un problema psicolòxicu aplicando terapia de grupu.

Un exemplu d’eso ye la cabera agresión na fastera de Gaza. Los enviáos de la comunidá internacional que fueron pa ser testimuños de la masacre apuntaben toos dos cuestiones:
1º destacar que foi una llaceria y 2º la necesidá d’una recostrución.

Bien, lo que pasó nun foi una catástrofe natural como un terremotu, sinón un crimen contra la población civil y polo tanto el tratamientu nun puede consistir en cuidáos paliativos, sinón en esixir responsabilidáes al estáu d’Israel pola masacre fecha.

El conflictu, pa los que nun lo saben, nun ye económicu, psicolóxicu nin humanitariu. Los palestinos carecen una enfermedá: la ocupación militar. Pone-y fin a esta situación ilegal y anómala implica qu’el pueblu palestín recupere la so llibertá. Los palestinos nun pretenden ser un gran imperiu sinon una nación llibre.

* Este texto forma parte del libro catálogo de la muestra “Arte y Palabra por la Paz”, que permanecerá expuesta hasta el próximo 4 de Setiembre en la galería del Hotel Meliá Araguaney de lunes a viernes de 6:30 a 9:30 de la tarde (cerrada sábados y domingos), y que está organizada por la Fundación Aragüaney de Santiago de Compostela.
Los fondos recaudados con la venta de las obras y del libro-catálogo se destinarán a los proyectos “Vacaciones por la Paz”, programa por el que un grupo de niños palestinos procedentes de campos de refugiados de Cisjordania pasan sus vacaciones en Santiago invitados por la Fundación, y a la construcción de un centro infantil en el campo de refugiados de Askar en Nablus, Cisjordania.