A liña de masas para a Reconstitución do PC
O punto de partida é a vangarda, tal como aquí a definimos na primeira
fase da Revolución ou etapa de Reconstitución. O seu primeiro labor -xa
que se trata do que a define en primeira instancia como vangarda- é o de
facerse valedora e portadora da ideoloxía. Neste sentido, como xa quedou
salientado, hai que aprehender a ideoloxía en todos os seus
desenvolvementos; pero, ademais, hai que entender que non se trata dunha
concepción do mundo máis, senón da cosmovisión máis avanzada,
precisamente, porque non trata de "interpretar o mundo" dun modo novo,
senón de "transformalo”. A vangarda ideolóxica, entón, debe ir formándose
nos principios da ideoloxía -do contrario non se diferenciaría das masas
máis avanzadas da clase e ela mesma transformaríase en masa-, pero tamén
debe ir fundindo eses principios co obxecto de transformación
revolucionaria, debe ir traducindo os principios ideolóxicos en Liña
política revolucionaria, debe saber aplicar as premisas e os obxectivos da
teoría revolucionaria á realidade práctica da Revolución, debe saber dar
resposta ás tarefas particulares e prácticas que esta impón, debe saber
encontrar a estratexia e a táctica axeitadas para alcanzar aqueles
obxectivos, debe saber calibrar o estado das súas premisas necesarias,
etc.
A Liña política é o "primeiro paso pola práctica" da ideoloxía e, neste
sentido, o primeiro grande elemento da liña de masas da política da
vangarda, porque transforma nun discurso político-revolucionario as
condicións reais en que se encontran as masas da clase en xeral. Se o
membro da vangarda, ao formarse e educarse na ideoloxía, fórmase como
propagandista e, como dicía Lenin, "tribuno popular" para difundila,
consistindo nisto a base ou o embrión de toda futura política para as
masas (liña de masas), a Liña é o primeiro paso cara a adiante da liña de
masas da política da vangarda, pois é o mellor medio a través do cal esta
pode achegarse ás masas avanzadas, que poden ver que, efectivamente, o
Comunismo formula a raíz profunda dos problemas que lle preocupan e dá
unha resposta á súa solución.
Pero isto é aínda insuficiente. A experiencia do Movemento Comunista
Internacional ensina que non abonda só con proclamar unha política xusta,
senón que é preciso que sexa comprendida polas masas. Para iso, é preciso
que a Liña política tradúzase en Programa, é dicir, que conteña non só a
explicación e a solución xerais dos problemas candentes das masas, senón
tamén a forma e o modo de resolvelos a través da Ditadura do Proletariado
e do Socialismo.
Isto presupón que a vangarda fundiuse ata tal punto coas masas da clase
que conseguiu traducir as súas reivindicacións inmediatas en
reivindicacións revolucionarias. Neste momento, a liña de masas
revolucionaria alcanza o seu desenvolvemento máximo na Reconstitución;
neste momento culmina a Reconstitución mesma.
A forma que adoptan a Liña e o Programa é a de Teses políticas; pero isto
é só a forma. O seu contido é a liña de masas que aplica e desenvolve a
vangarda como elemento fundamental de unión coas masas. De feito, a Liña e
o Programa expresan dous estadios diferentes no desenvolvemento da liña
política de masas. A Liña indica o primeiro achegamento da ideoloxía ao
estado das masas da clase, a súa difusión en forma de propaganda, o seu
primeiro contacto coas masas avanzadas. O Programa, en cambio, significa a
asimilación da Liña por parte de certos sectores destas masas avanzadas,
axitación, a través deles, entre as grandes masas dirixida pola vangarda;
é dicir, o traballo cotián, cóbado a cóbado, da vangarda entre as masas
para atraer definitivamente ao seu sector avanzado e traducir a ideoloxía
e a política revolucionarias ás necesidades das masas.
A fusión da vangarda entendida e organizada como vangarda ideolóxica coas
masas avanzadas da clase tradúcese en PC, ou sexa, en movemento
revolucionario organizado, en capacidade, por parte da vangarda, de
influír ou de facerse oír entre as grandes masas da clase. Neste punto,
ábrese a posibilidade de que todas ou a maioría desas masas se organicen
ao xeito revolucionario e se poñan detrás do seu Partido. Chegou o momento
de abrir unha nova etapa na Revolución.
O Programa significa a culminación da Reconstitución porque, con el, a
ideoloxía vincúlase coas masas da forma máis estreita e concreta posible,
e porque, para chegar a el, a vangarda ha ter que atopar unha linguaxe co
que expresar as reivindicacións inmediatas das masas, ha ter que crear
sólidos vínculos con elas e organizar eses vínculos, ha ter, en
definitiva, que crear PC.
O PC, así reconstituído, existe como unidade entre a vangarda e as masas
da clase a través do seu Programa, no plano político, e como multitude de
organismos que serven como correa de transmisión da vangarda cara ás
masas, no plano organizativo. O PC, así reconstituído, existe como
organización capaz de dirixirse ás masas e de dirixilas e, polo tanto,
como a súa vangarda efectiva. Entón, o PC pode encomendarse a tarefa de
levar a toda a clase ata o Comunismo, e pode enfrontar, con garantías de
éxito, as dificultades e os obstáculos que entorpecerán este camiño
tortuoso pero necesario e ineludíbel.
Comité
Central do PCR
Abril 1996