Mobilizazioak egin dituzte Hego Euskal Herriko unibertsitateetan, IAk deituta
Enviado el Viernes, 23 noviembre a las 09:50:22 por gaztekari webmaster |
|
Unibertsitate legea
Mobilizazioak egin dituzte Hego Euskal Herriko unibertsitateetan, IAk deituta
Ehunka ikasle mobilizatu ziren atzo Hego Euskal Herriko unibertsitateetako campusetan, Espainiako Kongresuak onartutako Unibertsitate Lege Organikoaren kontra protesta egiteko. Ikasle Abertzaleak taldeak deitu zituen aipatutako mobilizazioak, eta Euskal Ikasleen Biltzarrean onartutako alternatiba plazaratu zuten. Mobilizazioen bidez, Unibertsitate Legea «unibertsitate eredu espainiar eta atzerakoia indartzeko apustutzat» jo zuten ikasleek.
Mobilizazioetan bildutako ikasleei dagokionean, EHUren Leioako campusean jaialdia eta 200 lagunek osatutako manifestazioa egin zuten; Ibaetako campusean ere 200 lagun manifestatu ziren; Gasteizen 300 lagunek parte hartu zuten IAk deitutako manifestazioan; Mondragon Unibertsitateko Arrasate eta Eskoriatzako campusetan burrunbada eta kontzentrazioak egin zituzten; eta Nafarroako Unibertsitate Publikoan (NUP) 300 lagunek manifestazioa egin zuten. Horrez gain, NUPen itxialdia hasi zuten 40 bat ikaslek atzo arratsaldean euskaraz ikasteko eskubidea aldarrikatzeko. Espainiako Polizia gela hustera zihoala ohartarazi zieten zinpeko zaindariek, baina lerro hauek idazteko orduan, artean ez zen poliziarik agertu NUPen.
--gehiago irakurtzeko "leer más"
--para seguir leyendo "leer más"
Azaroaren 28an greba
Ikasleek bi orduko geldialdia egin zuten, eta ikasle batzarretan azaroaren 28an Unibertsitate Lege Organikoaren kontra egingo den greba egunean parte hartzeko deia egin zuten.
Ikasleen aldarrikapenei dagokionean, berriz, zazpi puntu nagusi izan ziren atzo. Besteak beste, honakoak aldarrikatu zituzten: euskaraz ikasi eta bizitzeko eskubidea; Euskal Herriko edukiez hezteko eskubidea; unibertsitate herritarra izateko eskubidea; unibertsitatearen eraketa eta funtzionamendua demokratizatzeko beharra; unibertsitatearen askatasun demokratikoak bermatzea; unibertsitatean eredu askatzaile eta aurrerakoia ezartzea; eta unibertsitatearen barruti bateratua garatzea
(Egunkaria)
|
| |
|
