¡¡¡Vítor absueltu de tolos cargos nuna sentencia sin precedentes!!!
La xuez fixo pública la sentencia menos de 24 hores dempués de cellebrase el xuiciu. Na mesma déxase bien clara la inocencia de Vítor Xosé, y la falta de rigor y seriedá d'una acusación, especialmente preocupada por intentar vincular la llucha de los trabayadores de Naval Xixón cola "kale borroka" vasca.
Écha-y una güeyada a la sentencia (sentencia.pdf) (sentencia.doc). Nun tien desperdiciu. N'élla, amás de demostrase la inocencia de Vítor, arguméntase sobre la inexistencia los delitos de desórdenes públicos, atentau, y otres interesantes reflexiones que fae la xueza y que dexen n'entredichu la estratexia llevada a cabu pola fiscalía. Sentencia y argumentaciones sin precedentes, cuya lletura y detenido estudio recomendamos a aquell@s xueces, xuezas y polític@s que tan preocupad@s están en reformar la xusticia col fin de benficiar a la ciudadanía.
¿Pa cuándu van dase cuenta estos personaxes, que les mayores inxusticies que sufrimos los ciudadanos y ciudadanes de bien son les que ell@s nos provoquen?
La xornada del xuiciu cellebróse nun ambiente reivindicativu ya folixeru. Cientos de persones s'aconceyaron a les puertes del xuzgau pa mostrar su solidaridá con Vítor y una marcha d'estudiantes recorrió les cais de Xixón baxo'l llema: Nun somos terroristes, si non una mocedá solidaria. Non a la criminalización, Vítor absolución.
Asina recoyeron los principales periódicos ¿asturianos? la noticia del xuiciu y la sentencia:
|
|
|
|
Dende esti espaciu güeb, que fasta agora dio cobertura a esti casu y esta situación, queremos felicitar a Vítor, a la so familia, y a to@s nosotr@s: muyeres, homes, mozos y moces inconformistes y rebeldes qu'indireutamente tamién fuimos xuzgaos por transformaor@s ya solidari@s. Nosotr@s nun somos inocentes, pero tampocu criminales: ¡Basta de criminalización!¡Basta de represión!
Queremos dexar bien claro tamién, que l'allegría que nos produz esta sentencia, nun nos ciega: porque la estratexia criminalizaora y represiva de l'estau y los medios de comunicación sigue p'alantre al marxen de sentencies xustes y llamentablemente escepcionales. Y mientres ell@s sigan, nós tamién.
Agradecemos tamién la participación y solidaridá que con trabayu o con pensamientu mostrasteis to@s aquell@s que seguís lluchando activa o pasivamente contra la imposición d'un únicu pensamientu.
Si tovía nun conoces esti casu, visita la güeb que forma parte la campaña entamada a raíz de les acusaciones a Vítor pa pedir la so absolución y denunciar la criminalización y represión que sufren los movimientos sociales y persones que suañen y trabayen por otros proyeutos alternativos al impositivu y antidemocráticu sistema neolliberal
