A.S.K. COMUNICADO DA ASOCIACIÓN DE SOLIDARIEDADE CON KURDISTÁN-ASK (03-marzo-2009) Transcorridos dous anos e medio das dúas multas de 4000 euros impostas á ASK, o proceso xudicial contra os nosos compañeiros segue adiante, negando a única saída xusta e comprensível para este caso, é dicer, a absolución total e a rectificación por parte da Subdelegación pola indecencia de todo este asunto. A situación a día de hoxe ven sendo a que segue: Recentemente coñecimos a sentenza do xulgado de Vigo, no que se declaraba inocente a un dos compañeiros multados, asumindo o seu dereito á liberdade de expresión. A sentenza recoñecía así o absurdo das multas, polo que o noso compañeiro non debía abonar nin un euro polos feitos que se lle imputaban. Aínda así, nin unha palabra sobre o feito de manter paralizada económicamente a unha asociación LEGAL e rexistrada na Xunta de Galiza. Nin unha desculpa para un cidadán ao que se lle pisotean os seus dereitos máis elementais. E, desde logo, ningunha intención de asumir os gastos derivados durante estes dous anos. Cómpre destacar aquí que a Asociación de Solidariedade con Kurdistán é unha asociación sen ánimo de lucro, formada por voluntários-militantes que non cotizan nin un euro, e que, por suposto, nin reciben (nin queren) ningún tipo de axuda económica por parte de ningunha institución oficial sexa pública ou privada. Ese é o noso xeito de funcionar: non pedimos nada, só que se repeite o noso dereito á solidariedade e á denuncia da situación tráxica á que se somete ao povo kurdo. Pero o tema non remata aquí. Un par de semanas despois, celébra-se o xuízo contra o outro membro da asociación. O mesmo caso, os mesmos cargos, o mesmo absurdo… e un resultado completamente diferente. O xulgado de Vigo, ¡o mesmo xuíz!, rexeita o recurso do noso avogado, declarando culpável á asociación dos feitos imputados pola Subdelegación do Governo en Pontevedra. O xuíz non atende ás reclamacións do avogado, marcha de vacacións, e nós ficamos con cara de parvos e con unha multa de 4000 euros. Alucinante. Ademáis, négase o dereito de recurrir a sanción neste mesmo xulgado; polo que teremos que recurrir ao Superior de Xustiza de A Coruña. Xa sabemos o que isto provoca: máis gastos (interventores, papeleos…burocrácias). Diante destes feitos, a postura da ASOCIACIÓN DE SOLIDARIEDADE CON KURDISTÁN-ASK segue a ser a mesma:          - Consideramos esta multa como un recorte inaceptável dos dereitos civís máis básicos.              - Interpretamos esta sentenza como unha ameaza política dirixida ao control sumiso e obediente dos cidadáns. - Reforzamos o noso dereito á libre expresión. - Insistimos na intención de continuar coas nosas actividades e ampliar a nosa solidariedade co Kurdistán, un povo dividido, torturado e masacrado, o maior povo do mundo sen voz própia. Unha aperta solidária.

---

COMUNICADO URXENTE DA ASOCIACIÓN DE SOLIDARIEDADE CON KURDISTÁN (A.S.K.)

 Desde hai case un ano, a A.S.K. (Asociación de Solidariedade con Kurdistán) está a ver condicionadas as súas accións polas multas impostas a dous dos seus membros.

Os feitos remóntan-se ao mes de Novembro do 2006, durante a disputa do partido de fútbol entre o Celta de Vigo e o Fenerbahaçe turco no estadio de Balaídos.

Por esixencia de un policía turco, a policía española decidiu quitar do estadio e sancionar a dous membros da A.S.K. con 8000 euros.

Estas dúas persoas son acusadas de “provocación” por participar no despregue de unha faixa co lema “FREEDOM FOR KURDISTÁN” e portar simboloxía alusiva ao conflicto kurdo.

Esgotados os recursos na Subdelegación do Goberno de Pontevedra e diante do inminente proceso penal, a A.S.K. quere manifestar, unha vez máis, que:

 

•   Tal como recolle a propia resolución policial, en ningún momento produciu-se ningún acto de violencia por parte dos dous imputados nin por ninguén dos presentes no estadio.
•  Ningún dos membros da A.S.K. participou do despregue da faixa, como queda patente nas diferentes fotografías aparecidas nos xornais. Aínda así queremos manifestar o noso apoio e solidariedade con este acto pacífico e reivindicativo a favor do povo kurdo.
•   O único “delito” que recoñecemos é portar unha camisola co anagrama da asociación e unha pequena bandeira con dito anagrama. Os propios policías admiten descoñecer os símbolos, así como a existencia do Kurdistán ou calquera idea aproximada.
•   A Asociación de Solidariedade con Kurdistán, e con ela o noso anagrama, está legalmente rexistrada e constituída no rexistro de asociacións da Xunta de Galiza desde hai varios anos.
•   Por último, deixar claro que apoiaremos e participaremos de calquera iniciativa, sexa onde sexa, que contribúa a difundir e informar do coflicto kurdo.

 

Agradecemos, por tanto, que difundades esta nova dentro das vosas posibilidades.

Tamén informar-vos que a A.S.K. abriu unha conta para facer fronte aos gastos ( avogados e máis que posible multa) aos que nos vemos obrigados. O número de conta é: caixanova 2080 0000 7 2 0003017604 .

 

Gracias pola vosa solidariedade.

 

NINGUNHA PRESIÓN, VEÑA DE ONDE VEÑA, ANULARÁ A NOSA SOLIDARIEDADE CO POVO KURDO.

POLO DEREITO DE TODOS OS POVOS A DECIDIR LIBREMENTE O SEU FUTURO.

POLA LIBERDADE DE EXPRESIÓN!!

POLOS DEREITOS CIVÍS!!

¡¡FREEDOM FOR KURDISTÁN!!

A.S.K. (Asociación de Solidariedade con Kurdistán)

 

2º COMUNICADO DA ASOCIACIÓN DE SOLIDARIEDADE CON KURDISTÁN-A.S.K.

OUTRO MEMBRO DA “ASOCIACIÓN DE SOLIDARIEDADE CON KURDISTÁN-A.S.K.” RECEBE A NOTIFICACIÓN DE OUTRA MULTA DE 4.000 EUROS.

Con esta segunda notificación ascende xa a 8.000 euros o total das multas impostas no partido do Celta contra o equipo turco a finais do novembro pasado.

A “Asociación de Solidariedade con Kurdistán-A.S.K.” quere facer constar a súa enérxica protesta polo que ten de desproporcionadas e inxustificadas ditas multas.

Ningún dos membros da asociación multados, mantivo actitude violenta ningunha, nin antes nin durante as detencións.

Diante desta situación inxusta, a A.S.K. decidiu comenzar unha campaña de solidariedade cos dous sancionados cos seguintes cometidos:

-recollida de sinaturas dirixidas á subdelegación do governo de Pontevedra pedindo que se anulen as multas.

-apertura dunha conta (caixanova 2080 0000 7 2 0003017604) para que aquelas persoas que queiran solidarizarse cos sancionados ingresen o que poidan para facer fronte ao custo dos avogados e as multas.

- edición dun cartaz en contra do recorte de libertades civís.

- convocatoria dunha cea solidaria para o día 21 de marzo coincidindo co Newrod, día da nación kurda.

---

1º COMUNICADO DA ASOCIACIÓN DE SOLIDARIEDADE CON KURDISTÁN-A.S.K.

Ante os feitos ocorridos no estadio de Balaidos durante o partido do Celta-Fenerbahaçe queremos informar do seguinte:

1 º A.S.K. é unha asociación de solidariedade co pobo kurdo legalmente constituída e rexistrada no rexistro de asociacións da Xunta de Galicia

2 º Durante o partido citado, dous membros de devandita asociación foron detidos e quitados do estadio por un despregue desmedido de policías.

3 º Os dous socios do A.S.K. non mostraran acto algún de violencia, nin sequera participaran no despregue da pancarta que co lema FREEDOM FOR KURDISTÁN foi mostrada a máis de 30 metros de onde eles estaban.

4º A detención baséase en que un deles leva posta unha camiseta co anagrama da asociación coas siglas A.S.K., e o outro unha bandeira con devandito anagrama.

5 º Os policías recoñecen descoñecer tanto as siglas como os anagramas. Aínda así din que son unha provocación.

6 º Preguntámonos como pode provocar algo que non se sabe que é. Preguntámonos

quen é o responsable que decide que aquilo é unha provocación. Preguntámonos

como unha camiseta posta debaixo dunha cazadora, apenas visible a dez metros, pode provocar a unha afeción que está ao outro extremo do campo de fútbol.

7 º Esiximos saber quen deu a orde de conculcar o dereito á libre expresión dunha asociación legalmente constituída. Foi seica un deses policías, que segundo a prensa viñeran de Turquía, (país que está en todos os informes internacionais como nefasto exemplo de falta de liberdades, de tortura sistemática e de desprezo polos dereitos das súas minorías) quen ordeou á policía dun estado de dereito que cometese un acto ilegal segundo a nosa lexislación.

8 º Aos dous detidos comunícaselles que serán multados, ignorando aínda a cuantía das multas que obviamente será recorridas.

9 ª A asociación está estudando as accións legais que se levarán a cabo en contra do que considera un atropelo dos seus dereitos constitucionais.

Asociación de Solidariedade con Kurdistán A.S.K.

Vigo 1 de Decembro do 2006