Toda la info en NÓS-UP

Nós-up arrancó esta mañana en ferrol ante varias docenas de simpatizantes y curiosos el busto de Franco, y procedió a pintar de rosa su casa natal en Ferrol.

Noticia en galego:

NÓS-Unidade Popular elimina simbologia fascista da casa natal de Franco e pinta a fachada de cor-de-rosa

A nossa organizaçom convocou para esta mesma manhá umha concentraçom, coincidindo com o 30 aniversário da morte do ditador espanhol, que incluiu umha acçom directa contra os símbolos do franquismo que ocupavam a fachada da casa natal de Franco, em Ferrol.

A nossa organizaçom convocou para esta mesma manhá umha concentraçom, coincidindo com o 30 aniversário da morte do ditador espanhol, que incluiu umha acçom directa contra os símbolos do franquismo que ocupavam a fachada da casa natal de Franco, em Ferrol.

Várias dúzias de pessoas concentrárom-se na rua Maria de Ferrol, a partir do meio-dia, dentro da campanha nacional que a nossa organizaçom desenvolve para exigir a retirada dos símbolos fascistas dos espaços e edifícios públicos da Galiza. Umha faixa com a legenda da campanha e o reparto de um comunicado em que se explicava a acçom antifascista acompanhárom a mobilizaçom, em que se entoárom todo o tipo de palavras de ordem antifascistas, como “Símbolos fascistas, fora da Galiza”, “fascismo, nunca mais” e “desde 36, a luita continua”.

Ante os meios de comunicaçom, previamente convocados, um grupo de quatro companheiros acedeu à varanda do edifício e arrancou a grande placa de mármore que presidia a fachada principal, que continha umha imagem e um texto de homenagem ao fascismo espanhol e ao seu máximo representante, o ditador Francisco Franco. A placa de mármore foi lançada contra a rua, escachando em mil pedaços, enquanto umha segunda placa de exaltaçom franquista e a própria fachada eram pintadas totalmente de cor-de-rosa.

A acçom antifascista foi aplaudida polas pessoas concentradas, enquanto umha dúzia de veículos policiais se iam concentrando no local, despregando-se numerosos efectivos da Polícia espanhola e municipal, e ficando cortada a circulaçom na rua. No meio das numerosas pessoas que assistírom ao acto, alguns exaltados adscritos à extrema direita local, de avançada idade, tentárom fazer degenerar o acto de higiene democrática num confronto “entre dous bandos”. Increpárom @s participantes na mobilizaçom, mas fôrom rapidamente silenciados polas palavras de ordem antifascistas e os aplausos.

Depois de quase umha hora e umha vez concluída com êxito a acçom, os quatro independentistas fôrom detidos pola Polícia espanhola, que os conduziu à esquadra policial do bairro de Esteiro, a cujas portas se concentra nestes momentos um grupo de pessoas reclamando a sua posta em liberdade.

Haverá que lembrar que desde o momento em que se iniciou a actual campanha de NÓS-Unidade Popular, a nossa organizaçom dirigiu à Junta da Galiza a reclamaçom formal de que se cumpra a legislaçom que obriga a eliminar a simbologia franquista que inça o nosso país. Advertimos também de que nom permaneceríamos na passividade ante o silêncio institucional. O acto desta manhá, como todos os simliares anteriormente realizados (estátua eqüestre em Ferrol, derrubada da estátua em Narom, etc), inscrevem-se nesse imprescindível labor de limpeza e justiça democráticas.

Nas próximas horas informaremos sobre a situaçom dos quatro companheiros presos nos calabouços da Polícia espanhola em Ferrol.