SOFITU Muerganismu popular antirrepresivu

Charra-alderique en Barcelona

SOFITU — 2009-11-18T19:14:22Z

El prósimu vienres 27 de Payares, les organizaciones Endavant OSAN y CAJEI organicen una charra na que trataran el casu del Fer, amás de la situación del movimientu independentista n'Asturies y la represión a esti mesmu.

El vienres anterior, 20 de Payares, la proyeición del documental "Silenci, aquí es tortura", abrirá esti averamientu de la esquierda independentista catalana haza'l nuesu país.

Sofitu llama a manifestase

SOFITU — 2009-10-22T12:37:17Z

El muerganu antirrepresivu Sofitu quier facer un llamáu al pueblu asturianu a acudir esti xueves 22 d'Ochobre a la manifestación baxo'l llema: Principes d'Asturies ¿Quien lo decidió? col envís de siguir dando pasos xunitarios que lleven a esti pueblu hacia la so emancipación nacional y de clas. Ye la hora de salir a la cai.

Puxa Asturies llibre! Puxa Asturies Socialista!

Fer gana´l recursu

SOFITU — 2009-05-31T11:37:02Z

Dende SOFITU queremos dar nuncia de la fin del procesu escontra'l militante independentista Fer.

Ayeri, les abogaes de Fer, informaronnos de la victoria énte'l recursu del fiscal. Pa recordalo , nuna decisión sorprendente, el fiscal nun recurrio la sentencia (diez meses) pero si la so non entrada en prisión (quedarian-y como seyes meses y mediu), de xuru, tres presiones por parte de cargos "socialistes" n'Asturies.

Poro, al nun haber ya posibilidá de recursu dalu, fina'l que foi otru xuiciu farsa mas n'esti estáu d'esceición que ye expaña, onde les noticies nos medios oficiales escribeles la brigada d'información y Antonio Trevín y onde'l linchamientu mediaticu ye afalao poles grandes empreses llamáes "medios de comunicación".

SOFITU felicita a tolos que tuvieron con Fer y qu'enxamas trago colos bilordios de Trevín y los sos "correlexonarios"

Sofitu énte l'anulación de la candidatura d'II‏

SOFITU — 2009-05-24T13:20:37Z

La organización antirepresiva Sofitu manifiesta la so refuga fonda pola anulación de la candidatura INICIATIVA INTERNACIONALISTA-LA SOLIDARIEDÁ ENTE LOS PUEBLOS pa les próximes elecciones europees, al empar que denuncia'l calter facista del estáu español qu'otra vuelta vulnera los derechos civiles y políticos que diz regular na so constitución. Esti estáu español qu'una vez más asitíase nos sos oríxenes y torna pa la dómina dorada del réxime del facista Franco. Sofitu quier alertar del instrumentu ad hoc aprobáu nel 2002, que se redacta na famosa “llei de partíos”, dende'l que se desarrollen esta mena de “llimpieces de la disidencia política”; una llei que por estensión nun actúa contra les organizaciones polítiques asitiaes na estrema derecha oficial que valen p'afitar el réxime facista español, a pesar de la so connivencia col terrorismu y la vulneración de los derechos más elementales contra distintos colectivos esistentes na sociedá, y que tampoco nun actúa contra la entente tamién asitiada na estrema derecha española (nesta ocasión, con calter non oficial) PSOE-PP, con conocíos pasaos y presentes venceyaos de manera directa na guerra puerco (Euskal Herria, Irak, Afganistán…), y que con rigor y de manera eshaustiva n'aplicación de la Llei 6/2002, de 27 de xunu LLEI ORGÁNICA DE PARTÍOS POLÍTICOS diben tar darréu fuera de la “so” llei española. Sía que fuere, llei tala, igual que'l restu del ordenamientu xurídicu español, ye un instrumentu estranxeru pal nuestru país, un instrumentu de dominación y contra'l que facemos un llamáu a rebelase al conxuntu del pueblu asturianu.

Acordies col so calter facista, el réxime políticu que nesta etapa histórica atiñaznos como pueblu, nun tien elementu nengún que lu defina como réxime democráticu. Sofitu nun espera nada nin de nenguna instancia nin de nengún órganu del estáu, nin del recursu del Tribunal Constitucional español mesmo que tampoco nun lo espera del Tribunal Supremo español, polo que consideramos que nun esiste nengún tipu de división de poderes, que nel so ámbitu esisten poderes escuros y fácticos qu'en realidá son los que tienen el poder políticu sobre los que xiren esta clase de decisiones ensin nengún tipu d'aval de xusticia. Les lleis españoles namás valen pa da-y dalgún tipu de revistimientu formal que d'otra banda cada vuelta cuiden menos, sabedores que yá se-yos “cai la mázcara”. Los facistes españoles actúen directo, y d'esta manera la primer vez, contra sensibilidaes polítiques d'otros pueblos que nun son el vascu y que, poro, suponen un nuevu saltu cualitativu na so estratexa aniquiladora nos deseos de llibertá de los pueblos a los que soxulga y les clases trabayadores a les qu'esplota.

A lo último, Sofitu fai un llamáu al pueblu asturianu al envís de que participe na movilización que se desarrollen nes próximes selmanes nel nuestru país, a la contra d'esti nuevu atentáu fechu pol facismu españo asitiáu nos poderes políticos españoles.

¡PUXA ASTURIES LLIBRE!

¡INDEPENDENCIA Y SOCIALISMU!

¡PUXA LA LLUCHA!

El fiscal de Fer recurre la suspensión.‏

SOFITU — 2009-05-14T08:15:39Z

Dende SOFITU queremos dar nuncia de la decisión, cuanto menos increyible, del fiscal del casu de Fer de recurrir la suspensión de conderga.

Que nel so dia nun recurriese la sentencia (10 meses) fae esta decisión inda mas sorprendente porque tres pasar, de la que lu detuvierón, mas de tres meses na cárcele y quedando-y por cumplir seyes meses y mediu ye dificil que'l xuez acepte la so entrada' prisión. Camentamos qu'esta decisión respón a presiones dende Asturies ya que nun esperaben una sentencia tan favorable a Fer que llogro desmontar tola riestra mentires qu'ellaboro la brigada d'información de Xixón xunta con Antonio Trevín.

Puxa Asturies llibre y socialista!!!

SOFITU M.A.P.

La sentencia de Fer ya ye firme

SOFITU — 2009-03-27T00:27:23Z

EL FISCAL NUN RECURRE LOS 10 MESES DE CONDERGA A FER

Pasau'l plazu de 5 dies dende que la sala 4ª de l'audiencia nacional notificara a Fer la so conderga a 10 meses de cárcele, inhabilitación especial pal drechu de sufraxu pasivu mentantu que dure la conderga y a los pagos de les costes del xuiciu, el fiscal, Miguel Angel Carballo Cuervo, nun vién de presentar recursu dalu, colo que la sentencia pasa a ser firme.

La defensa de Fer solicitará agora la suspensión de la conderga al nun ser esta mayor de dos años y nun tener antecedentes penales el condergau. Esti tramite xudicial vién tardando en resolvese unos dos meses y evitaria, de concedese, que Fer volviese a prisión a cumplir los 198 dies que-y quedaríen de pena. Tamién tase a l'aspera que nesi plazu devuelvan los 10.000€ de fianza depositaos p'algamar la llibertá provisional de Fer.

Anque dende SOFITU nun se tá d'alcuerdu con esta conderga, al nun poder aceutar que dengún tribunal d'esceición español xulgue nin muncho menos condergue a un ciudadanu asturianu, esta sentencia vién a desfacer el montaxe politicu-mediaticu-policial que Fer careció dende la so detencion fasta'l mesmu xuiciu.

Nesti sen, dende SOFITU va entamase una rueda de prensa pública , nel intre nel que la suspensión de conderga seya firme, na que Fer, con una sentencia firme na mano volvera denunciar públicamente a los responsables d'esta criminalización y d'esta persecución , y volvera demostrar con prebes y la sentencia lo que los terroristes de la política , la prensa y los pistoleros con placa inventaron p'acusalu de ser lo qu'ellos son …unos terroristes.

Puxa Asturies llibre y socialista!!

Puxa la llucha!!!

SOFITU Muerganu Antirrepresivu popular

Sofitu énte les detenciones n'Irlanda

SOFITU — 2009-03-23T18:17:05Z

La organización antirepresiva Sofitu espresa un sentimientu de solidaridá pa colos nueve ciudadanos irlandeses deteníos nel territoriu d'esi país ocupáu poles fuerces policiales y militares britániques de resultes de les últimes acciones armaes de la resistencia n'Irlanda; mesmo qu'amosar la so esmolición pol tratu que tean recibiendo a manes de les tropes britániques allugaes nel norte d'Irlanda. Al empar manifestamos un respetu fondu a la llucha desenvuelta pol movimientu republicanu irlandés que resiste inda nos pueblos y ciudades de la isla pol llogru de los oxetivos políticos estratéxicos d'independencia, reunificación y llibertá d'Irlanda.

Sofitu, dende la so perspectiva independentista y d'izquierda, valora como estafa auténtica los conteníos de los llamaos «Acuerdos del vienres santu», dende los principios de respetu y non inxerencia nos asuntos propios d'otros países, pero tamién usando'l derechu d'opinión, facemos por introducir una reflexón en tolos pueblos oprimíos en xeneral y nel d'Asturies en particular, pa calificar otra vuelta de farsa'l procesu de paz protagonizáu por una parte del movimientu republicanu irlandés y el gobiernu británicu en xunto colos sos aliaos unionistes. Un testu, el d'Stormont, enllenu de frases bonales pero ensin nengún tipu de realización práctica, namás qu'un repartu de funciones nel gobiernu norirlandés ente'l Sinn Fein y los unionistes del DUP, reconocimientu del derechu a decidir del norte d'Irlanda pero nun apez tasáu nin en tiempu nin en forma; ello ye, regula'l derechu a decidir d'una manera decorativa y artificial, un puntu ensin concretar y ensin desarrollu de nenguna clase. En resume, pa Sofitu nun reconoz el derechu d'autodetermín, masque sí lu menten en testu. Y ye pola mor d'ello polo que nun soluciona'l conflictu; un acuerdu de paz que nun desate los nuedos gordianos del contenciosu ye una auténtica bomba de reloxería que primero o tarde va provocar un nuevu españíu del conflictu.

Sinn Fein y l'IRA provisional traicionen los oxetivos políticos históricos del movimientu republicanu irlandés, la llucha del so pueblu (de los d'antes y de los d'agora) y al principiu de la isla xunida como ámbitu territorial de decisión, al aceptar colos nuevos acuerdos el derechu a decidir namás que pal norte d'Irlanda, nel marcu del repartu del poder colos unionistes, lo que pal nuestru pensamientu supón una aceptación relativa de la dominación colonial británica, lo que ye inalmisible pal movimientu republicanu irlandés.

Fuera del falsiamientu que'l Sinn Fein y l'IRA provisional faen del derechu d'autodetermín, mención especial merez l'éxitu col que venden esti tipu d'organizaciones la retirada parcial de tropes britániques de la zona en conflictu, nun entrando nel fechu de que'l so despliegue xustificábase na esistencia d'un conflictu armáu qu'una y buenes s'alcanzara una paz cuasique definitiva nel 1998 que permitió esa retirada énte lo innecesario del despliegue, mesmo qu'asocede cola lliberación de presos políticos que nun garró la forma d'amnistía xeneral pa los presos políticos republicanos irlandeses sinón namás pa los militantes d'organizaciones que se dieron ante la farsa.

Puntu cimeru de la cadena de traiciones ye'l llamáu de Gerry Adams y Martin Mc Guinness a la collaboración ciudadana pa facer detenciones, ello ye, en tiempu de paz (pa ellos) esixen represión, tortura y cárcel pa los voluntarios republicanos irlandeses que resisten inda y lluchen pola llibertá del so pueblu. Nel mesmu sen alcuéntrense les calumnies tocántenes tráficu de drogues, corrupción y criminalidá, qu'estos traidores usen contra los voluntarios irlandeses ensin dar nengún tipu de prueba sustituyendo'l trabayu que la policía venía faciendo a la de desprestixar les lluches por una Irlanda xunida y llibre.

¡PUXA IRLANDA LLIBRE Y XUNIDA! ¡PUXA LA LLUCHA!

Comunicau de solidaridá pa col pueblu vascu

SOFITU — 2009-03-08T20:54:55Z

La organización antirrepresiva Sofitu manifiesta:

De mano, la so solidaridá pa col pueblu vascu en xeneral y pa cola izquierda abertzale en particular no tocante a la suspensión d'actividaes decretada polos tribunales españoles contra les candidatures D3M y Askatasuna, y la prohibición qu'ello apareyó pa poder participar nes elecciones al parlamentu vascu de les trés provincies del 1 de marzu.

Segundo, denunciar el calter facista del Estáu español, que se permite'l luxu d'illegalizar candidatures y idees namás que por contradicir el so sistema políticu, y al traviés del usu de la famosa llei de partíos, que con calter ad hoc, garra una condición d'arbitrariedá pal réxime español. A éstes, ye importante'l señalar que nes elecciones del 2005, no que fai al mesmu ámbitu territorial y a la elección de la mesma cámara de Gasteiz citada de riba, la xusticia española prohibió participar nes elecciones a la candidatura Aukera Guztiak que, con un programa abertzale y progresista, buscaba perpasar el periodu de les ilegalizaciones. Por embargu, va ser EHAK la que, col lema «Demokrazia eta Bakea», axunte'l votu de la izquierda abertzale y, llibrando los márxenes estrechos que da la «democracia española», alcance más de 150000 votos y nueve escaños. Sofitu quier destacar el contestu que-y permite a EHAK presentase n'igualdá de condiciones col restu de candidatures; trátase d'un periodu que podíemos denomar como l'antesala d'un procesu negociador, poro, una dómina de conversaciones previes a esi procesu. Ye pola mor d'ello polo qu'EHAK ye a presentar les candidatures, da-y validez a los sos votos y facese coles actes de parlamentarios de los sos nueve representantes. L'Estáu español permitió esti procesu al encruz del gobiernu de Zapatero, porque'l contestu políticu permitíalo y d'esa manera nun se mandaron de la llei de partíos, que talo que vemos apliquen de manera discrecional cuando-yos peta. Como podemos ver otra vuelta, l'Estáu español ye un estáu facista que nun s'axusta pa nada a un estáu de derechu.

Tercero, censurar el papel de PNV, EA, Aralar o EB, que dicen tar contra la proscripción de candidatures, pero al empar válense d'ella pa facer por debilitar a la izquierda abertzale y atrayer los sos votos de manera carroñera al empar que participen con normalidá total nunes elecciones antidemocrátiques a les clares. Sofitu pregúntase ¿qué diba pasar si PNV, EA, Aralar o EB fixeran un plante electoral solidariu cola izquierda abertzale? o diendo más al fondu la cuestión ¿l'Estáu español nun s'aseguraría la participación política y electoral con un calter normalizáu de toos estos partíos políticos o coaliciones, según el casu, una y bona entamada la rueda d'illegalizaciones tanto de partíos políticos como de plataformes electorales, alló pel 2002?

Sofitu refuga tamién la persecución que'l gobiernu d'Ibarretxe, al traviés de la so ertzantza, desenvolvió contra les persones que repartíen propaganda o les que participaron na pasada manifestación nacional de Bilbo n'apoyu a D3M, que llevaron a la identificación y detención de decenes d'abertzales, mesmo que la censura de la mayoria de los medios de comunicación fixeron a la campaña de la candidatura illegalizada.

Pa finar, Sofitu quier amosar la so satisfacción polo más de 100000 votos de resistencia alcanzaos, que son «votos d'oru y de futuru» pa una Euskal Herria llibre nuna Europa de pueblos llibres.

¡PUXA'L PAÍS VASCU LLIBRE Y SOCIALISTA! ¡PUXA ASTURIES LLIBRE Y SOCIALISTA!

FER NUN ENTRARA EN PRISIÓN!

SOFITU — 2009-03-02T21:02:29Z

Güei tuvimos conocencia polos medios de comunicación de la sentencia de l´audiencia nacional española nel casu abiertu escontra´l independentista Fernando Gonzalez "Fer". La sentencia conderga a Fer a 10 meses de carcele (que nun cumplira al nun tener antecedentes), por una tentativa de daños de calter non terrorista.

Dende Sofitu queremos dar les gracies a tolos coleutivos y persones que sofitaron esta llucha dende´l so entamu.

CONVOCATORIA: MAÑANA MARTES 3 DE MARZU SOFITU ENTAMA UNA XUNTANZA A LES 19:30 NA SINDICAL DE XIXÓN PA CELEBRAR LA LLIBERTÁ DE FER, POLO QUE FACEMOS UN LLAMAMIENTU A TOLOS COLEUTIVOS Y PERSONES PA QUE PARTICIPEN NELLA.

(PD: SENTIMOS EL MALESTAR QU´ESTA NOTICIA CAUSARÁ A LA BRIGADA D´INFORMACIÓN DE LA POLICIA ESPAÑOLA.)

DEFENDER ASTURIES NUN YE DELITU!! FER LLIBRE!! PUXA ASTURIES LLIBRE Y SOCIALISTA!! PUXA LA LLUCHA!!

Sofitu tres el xuiciu a Fer y a espera de la sentencia‏

SOFITU — 2009-03-01T16:28:59Z

El muerganu antirrepresivu Sofitu, quier dirixise al pueblu asturianu pa llanzar les siguientes reflexones no tocante a lo qu'asocedio nes dos xornaes de xuiciu al militante independentista Fernando Gonzalez “Fer” , nel puntu nel cual nos atopamos, esto ye, n'espera que se dicte sentencia.

En primer llugar, l'audiencia nacional nun ye naide, otrosí que nun lo ye ningún otru tribunal d'esi estáu, pa xulgar a un ciudadanu asturianu, na midía en que les sos lleis y l'aplicación de les mesmes nun remanecen del nuesu pais, son impuestes, formen parte d'una realidá estremada a la del nuesu pueblu y na mayoría les ocasiones sirver pa violentar los nuesos drechos individuales y coleutivos que como asturianos tenemos. Esti casu, el del xuiciu y más que posible encarcelamientu d'esti mozu independentista ye un exemplu mas d'ello, neto que munchos otros. Nel casu de l'audiencia nacional española amás tratase d'ún tribunal que castiga la disidencia politica, ye un tribunal d'esceición llonxanu de lo que se pueda considerar un estau de drechu. Un tribunal mas propiu d'estaos de guerra y grandes conflictos nel que se creen sumarios ensín consistencia, criminalizase a persones y coleutivos, vulnerase la llibertá d'espresión torgando actos publicos, zarrando medios de comunicación, afalando illegalizaciones de muerganos y partíos politicos, faciendose xuicios sumarisimos escontra amplios coleutivos de xente, cenciellamente por tar adscritos a una idoloxía determináo. L'audiencia nacional española ye un tribunal xudicial que se superpón so'l restu de muerganos del poder xudicial (esceuto'l tribunal supremu y tribunal constitucional) pa represaliar con cárcele o chantaxe economico a les persones que nun creyen na “so” España y nel so capital, al empar que se val de la llei antiterrorista y les tortures pa incriminar a la disidencia politica.

No que cinca'l casu de Fer, les prerrogatives del muerganu heriede del tribunal d'orde públicu franquista furrulen a la perfección, vulneren un drechu elemental como ye'l de falar na llingua asturiana, perjudicando en mou d'indefensión al mozu independentista, continues burlles al nuesu idioma calificandolo de “dialecto”, de que nun ye una llingua, pese a que l'estatutu d'autonomia, qu'impusieron a la nuesa tierra dende España, regula la obligación de toles administraciones al usu, promoción y calteenimientu del Asturianu. SOFITU advierte y quier dexar nidio a los facistes españoles que l'asturianu ye la llingua nacional del nuesu pais y que'l castellanu nesta tierra nun ye mas qu'una imposición frutu de la soberbia cola que l'estau español ocupa Asturies.

La xueza Ángela Murillo exerció un papel d'anfitriona y protectora pa col fiscal, mentanto que s'ensañó cola defensa y posiblemente tará preparando el so castigu pa Fer; valió amás como ordago amenazante pa too'l movimientu independentista asturianu. La teorica xera d'arbitraxe de la presidenta d'esa mesa que xulgó a Fer nun quedo mas que nuna simple ilusión. Entamando pol ataque al Asturianu, les continues faltes de respetu al nun dexar esponer a les abogaes de la defensa, falando ente elles cuando cuando éstes presentaben les sos prebes, o como nel 12 Febreru enterrompio los alegatos de la defensa pa siguir al dia siguiente namai que por un caprichu personal de nun querer sentir más les conclusiones de les abogaes. Dende SOFITU camentamos que la sentencia taba ya escrita y guardada nun caxón , precisamente porque l'estau español nun ye un estau de drechu, sinón un estau facista.

El papel de fiscal, unviao pol ministeriu publicu, y actuando como parte acusadora, tamién fraya los drechos del acusau. Pero a SOFITU lo que mas-y llama l´atención ye que la evidente nun dixebración de poderes nel estau español lleve a esti señor a facer drechu a la so propia discreición ; sabedor de que nel estau español les lleis nun son iguales pa toos y que l'estau de drechu ye una “broma” atrevese a dar como prebes (munches vegaes falses) : visites a presos politicos, alcuentros con presos politicos, tener en casa pegadielles de muerganos politicos con calter armau o non… como si fuere delitu. Hasta onde SOFITU conoz cartease con presos politicos nun apaez regulau nin tipificau como delitu por denguna llei española, si acasu sedralo nel futuru, pero angüañu nun tenemos constancia d'ello. La policia española da una bayura prebes , qu'en realidá nun lo son, como correr maratones financiaos pol gobiernu d'Ibarretxe en Donostia, dir a manifestaciones llegales o otros actos de sofitu a la esquierda abertzale, incriminar nun ampliu llistáu d'atentaos n'Asturies dende 2001 ensín mayores aportaciones pa pasar el filtru del fiscal y ésti quedase con delles d'estes hipotetiques prebes, les menos escandaloses, pa que'l tribunal xulgue. Como vemos la policia y el fiscal creén drechu , precisamente porque'l drechu ye discrecional y arbitrariu pa la disidencia.

Un puntu relevante ye'l intentu sistematicu, por parte del fiscal, de separtar la llucha de los trabayadores pol so puestu de trabayu respecto a la consecución d'unos oxetivos politicos determinaos. Pa'l fiscal español l'emplegu de la violencia pa la defensa d'ún puestu de trabayu nun ye lexítima pero, entá ye menos lexítima pa defender una ideoloxía politica concreta, magar que, nun se sintio a esti axente del ministriu publicu dicir nada sobre la imposición que pola fuercia de les armes exerce españa escontra Asturies, relegandola a un calter dixebrada, principiega, española y de dreches. SOFITU pescancia que pa'l fiscal si val la violencia cuando tratase de defender el so proyeutu politicu y la so ideología, que ye la mesma que la del estau español: del sometimientu de los pueblos a los qu'oprime y la explotación de les clases sociales trabajadores. SOFITU quier dexar nidio que la llucha pola independencia y el socialismu nesti pais , nun solo nun ye ayena a la llucha a la de los trabayadores asturianos en defensa del so puestu de trabayu sinón que ye la mesma llucha.

No que se refier a los medios de comunicación españoles o al serviciu d'españa, continuaron cola so campaña d'intosicación y mentires. Ye curiosu l'accesu que teníen a informes policiales cuando entá taben baxo secretu de sumariu. SOFITU quier alertar nesta vegada qu'hai que sumar a les yá conocíes manipulaciones en favor de los sos amos, les provocaciones intencionales de les que faen gala como'l fechu de que “la nueva españa” refierase a lo asocedíu en L'Infiestu n'aquel setiembre de 2005 como rempuesta polos “deteníos d'Andecha Astur” en Cangues d'Onis dies enantes, sabedores de que los deteníos nun yeren de tal partíu sinon militantes antifacistes asturianos; d'esta miente criminalicen a Andecha Astur, tracamundien y mienten a los sos llectores y provoquen a la esquierda independentista d'esti pais. Nesti sen asoleyaronse calificativos como “ correligionarios” de Fer despeutivamente como sectarios de sabe quién que relixón, pela cuenta de que la mayoría los que tabemos elli somos ateos. Tamién destacar l'acosu de camares y fotografos nes puertes de l'audiencia nacional española. SOFITU nun ye quien a calificar a estos medios namái que de “carroñeros”.

Esti muerganu quier tamén denunciar el papel de la policia española colos siguimientos de la brigada d'información nos viaxes, magar que nes dos caberes xornaes llimitaronse al siguimientu non disimulau pero ensín llegar a parar a los solidarios, pela cuenta de lo qu'asocedio na primer xornada. Y siguiendo coles contradicciones na segunda xornada nun permitieron la xuntanza entamada por SOFITU obligando a retirar les banderes y la propaganda nun claru ataque a la llibertá d'espresión como foi de igual mena la prohibición d'asoleyar camisetes en sofitu a Fer. Por too ello SOFITU destaca'l calter chulescu y prepotente de la policia española.

Pa finar, queremos agradecer a tola xente solidario, les 80 persones que s'averaron a Madril na primer xornada, al casique mediu centenar qu'acudieron nes dos caberes xornaes asina como a toles persones y coleutivos que sofitaron y sofiten politica, economica o moralmente la llucha de Fer. Esta llucha entamo cola detención y secuestru de Fer pero nun debe finar cuando conozamos la sentencia, la llucha tién que continuar.

¡¡Puxa Asturies llibre!! ¡¡Puxa Asturies socialista!!