Sofitu énte les detenciones d’activistes gallegos pro-llingua‏

Esti domingu la ultraespañolista "Galicia Bilingüe" manifestose’n Santiago de Compostela baxo’l llema "Queremos libertad de elegir" desixiendo al gobiernu gallegu que dean pasos atrás nel so avance de normalización llingüistica del gallegu.

Consideramos qu’esta manifestación nun ye mas que un insultu non solu al pueblu gallegu sinon a tolos pueblos del estau español que lleven años sofriendo la represión llingüistica y que con un mensaxe maniplaor (que fala de llibertá y d’escoyer) quier emponer la llingua castellana nuna tierra que nun ye la de so.

Dende Sofitu tamos arguyosos de la rempuesta de la xente concienciao del pais vecín que, pese a les xabaces cargues policiales y a les detenciones, supo dar la cara nuna xornada de llucha escontra’l facismu españolista.

Tamién queremos amosar la nuesa vergoña por los partíos convocantes (PP y UPyD) y pol so discursu interesau sigún-yos convenga. Asina equi n’Asturies la cabezalera de UPyD Rosa Diez dixo que la unica llingua d’Asturies ye’l castellán y los ataques del PP a la nuesa llingua son habituales( la cabera foi la manipulación de los cartelos de la casa’l conceyu de Mieres) mientres que nel pais vecín dicen ser victimes d’una imposición llingüistica y ser defensores del "bilingüismu". Los Asturianos ya sabemos que bilingïsmu defenden.

Tampoco podemos escaecer que’l nuesu compañeru Fer enfrentase a 8 años de carcele y faelo ensín defensa pol fechu de falar Asturianu y que billingüista dalu salio’n defensa del derechu a espresase na llingua materna de cá ún.

Pa finar queremos amosar tola nuesa solidaridá pa colos 10 deteníos y los estremaos mancaos nes cargues policiales, coles familias y collacios de los que tán arrestaos ensin los sos derechos fundamentales y en xeneral col pueblu gallegu por esti, otru mas, ataque a la so cultura.

Llibertá pa les deteníes!!! Defender la llingua nun ye delitu!!!