|
1. Garapenerako eredua,
munduko txirotasuna eta desorekaren arrazoi nagusia.
Gutxiengoaren aberastasuna gehiengoen pobreziaren
gainean eraikitzen da.
Populazioaren %20ak planeta osoaren baliabideen %80 xahutzen
du.
Merkataritza desorekatua, finantza-zorraren
ordainketak suposatzen duen deskapitalizazioa eta baliabide teknologikoen
erabilera pribatiboa dira herri aberats eta herri erdeinatuen
arteko desberdintasunen adierazpenak.
Garapen eredu hau ez da humanitatearen
gehiengoarentzat baztertzailea soilik, aldi berean ingurugiroarekiko
kontraesankorra azaltzen zaigu, planetaren beraren biziraupenarekin
kontraesankorra eta etorkizuneko belaunaldien eskubideekin ere
bai berriztagarriak ez diren baliabide naturalen erabilera gehiegizkoa
dela medio.
*Sistema honek sortarazten dituen desorekei
buruzko salaketa eta zalantzak eraman nahi ditugu gure gizartera,
garapen eredu honi buruzko zentzu kritikoa eta eztabaida sortaraziz,
elkartasunezko jarrerak bultzatuz.
*Gizarte industrializatuen gehiegizko kontsumo
eta zarrastelkeriaren gutxitzea, finantza-zorra ezmoralaren ezabapena,
berdintasunean oinarritutako merkataritza harremanak eta GATT
akordioak, baliabide eta teknologien transferentzia, hala nola
progresioa eta ongizate humanoa baliabide natural eta ingurugiroarekiko
errespetuarekin bateragarri egingo duen garapen eredu jasangarria
dira gure apustu alternatiboa.
2. Guk eraikitzen dugu
etorkizuna.
Emakumeen diskriminazioa ez da herri batzuetan
edo zenbait kulturatan suertatzen den gertakizun isolatua. Ordena
ekonomikoak mundua Iparralde eta Hegoaldean banatzen duen
bezala, sistema patriarkalak gizon eta emakumeen artean banatzen
du, eta lehenengoei zenbait pribilegio ematen die.
Hegoaldean, Iparraldearekiko desberdintasun
egoera bera dela medio, zapalkuntza moduak areagotzen dira eta
emakumeek eguneroko bizitzarako posibilitateak murriztuak dituzte:
baliabide familiarrak erabiltzeko aukera gutxiago (elikadura,
jantzia, diruaren kontrola), komunitatearen baliabideak aprobetxatzeko
aukera gutxiago (osasuna, hezkuntza,...), maiz bere eta ez beste
inoren gain geratzen da seme-alaben mantenuaren zama ekonomikoa,
sektore informalean dihardute lanean oro har eta baldintza ezin
kaxkarragoetan e.a.
*GKE gisa emakumeen beraien kontzientziatze
eta autoantolatze prozesuak erraztea bilatzen dugu, beraien bizi-baldintzak
hobetzera bideratuta doazen prozesuak alde batetik eta generoagatik
gertatzen den diskriminazioaren aurka borrokatzera bultzatuko
dituzten prozesuak bestetik.
3. Munduaren militarizazioak
desberdintasunak sostengatzen ditu.
Armamenduaren industria eta merkatua zapalkuntza,
gerrak, giza-eskubideen bortxaketa eta herrien arteko dependentziak
mantentzen dituen negozio ezmorala da.
*Bake eta desmilitarizazioaren aldeko kultura
baten sorrera bultzatzen dugu, gatazka armatuetan zibilak tartean
jartzearen aldekoak gara, militarismoaren ondorioak pairatzen
dituen
populazio zibilarekiko laguntza sustatzen dugu, errefuxiatuekin
esate baterako, eta balore demokratikoen sakonketa eta autoritarismo
zein bazterketa sozialaren aurrean partehartzea
bultzatzen ditugu.
4. Munduko ordena berria.
Migrazioak eta aniztasuna.
Ezberdina denaren aurrean arrazakeria eta
intolerantzia dira munduko eskenatokiaren sakoneko eraldaketei,
non biolentziagatikako migrazioak, jazarpen politikoak edo behar
ekonomikoek ehunka milioi pertsonari eragiten baitiote, ematen
zaizkien erantzun xinpleak.
"Garapenaren" eta gero eta nabariagoa
den baloreen ateratzearen izenean kultura lokal eta indigenak
baztertu egiten dira eta berezko kultura zein bizimoduak ukatzen
zaizkie, munduko ordena eza honi alternatibak eraikitzeko erreferentzi
baliagarriak galtzen direlarik.
*Herrien arteko aniztasun kultural, erlijiosoa,
etnikoa... zabaltzearen alde ari gara lanean. Herrien arteko
harremanak berdinen arteko harremanak izan daitezen eta emigrazioaren
onarpen sozialaren alde, garapen eredu honek planetako eremu
zabalei ezartzen dien txirotasunaren ondorioa delako.
5. ZER NAHI DUGU GKE
GISA?
*Garapenerako laguntza txirotasuna ezabatzeko
ez dela nahikoa garbi geratu da. GKEren laguntza handituz doa,
baina txirotasuna biderkatzen da. GKEk erronka berriei egin behar
diete aurre gehiengo behartsuenen defentsan, eta txirotasuna
zein desberdintasunen arrazoien azalpenean, garapenerako heziketari
begirako aktibitateen bidez eta proposamenak luzatuz gizarteari
eta instituzioei garapen eredu ezberdina eraikitzeari dagozkion
gai guztietan, aurreko puntuetan azalduak geratu direnak.
*Garapenerako laguntzak eta elkarlanak
testuinguru honetan dituzten mugak kontutan hartuta, ondoko ezaugarri
hauek dituzten proiektuak bultzatzen ditugu:
- Erakunde zibilek aurkeztutako proiektuak,
proiektuan partaide gisa aritzen direlarik eta eragindako populazioen
partehartzearekin alternatibak eraikitzen dituztenak.
- Hego zein Iparraldeko pertsona eta erakundeen
arteko komunikazio, elkartasun eta elkartrukaketa lotura suposatzen
duten proiektuak.
*Partehartzeari irekita dagoen GKE gara.
Garapen humano ezberdina eta elkartasunaren kultura eraikitzeko
mundu mailako, norberaren mailako eta egunerokotasunaren mailako
egituren
aldaketaren beharrarekin bat egiten duten pertsona eta erakunde
guztientzat tresna erabilgarria izan nahi dugu.
|
