¿Que é a P.E.S.D.?
O fomento do militarismo
A obxección Fiscal aos Gastos Militares
¿Como se fai a Obxección Fiscal?
Proxectos Colectivos
Modelo de carta

¿QUE É A PESD?

Un dos piares fundamentais da Unión Europea (U.E.) é a creación dunha política de asuntos exteriores, seguranza e defensa común.

En teoría esta política debe responder a tres obxectivos:

1.-Protexer os valores comúns, os intereses fundamentais, a independencia, a integridade e a seguranza da UE.

2.-Manter a paz, a seguranza, a cooperación internacional, a democracia, o estado de dereito e os dereitos fundamentais.

3.-Cumprir a Carta das Nacións Unidas e os acordos internacionais e europeos. A PESD tradúcese por tanto en:

Un enorme gasto militar con investimentos multimillonarias no desenvolvemento de armamento de última tecnoloxía.

Unha agresiva política de venda de armas.

A creación dun megaexército con capacidade de invasión e ao servicio dos intereses dos poderosos.

A constitución dun espacio europeo de control social e policial.

Privilexiar os investimentos especulativos e militares fronte aos solidarios e sociais.

Non abordar as causas estructurais, culturais e doutro tipo que producen os conflictos e a violencia.

O FOMENTO DO MILITARISMO

O Estado Español ten un investimento militar de case 3 billóns de pesetas para este ano, sumadas as partidas ocultas en diversos ministerios. Á parte disto, o militarismo do noso Estado tradúcese no reforzo do papel do exército na política de exteriores e dos aparellos destinados a consolidar os procesos de globalización, na orientación xeral das nosas políticas e leis, na maior represión e control social e na creación dun modelo cultural baseado na promoción de valores violentos e insolidarios.

Gasto militar do Estado español para 2002

Ministerio de Defensa	6.322,65 mill. euros	1.052.000.442.900 ptas.
Organismos Autónomos de Defensa	1.067,16 mill. euros	177.560.483.760 ptas.
Clases Pasivas	2.493,46 mill. euros	414.876.835.560 ptas.
Ministerio de Asuntos Exteriores	35,54 mill. euros	5.913.358.440 ptas.
Ministerio de Interior	3.555,23 mill. euros	591.540.498.780 ptas.
Organismos Autónomos de Interior	23,52 mill. euros	3.913.398.720 ptas.
Ministerio de Ciencia e Tecnoloxía (I+D)	1.176,85 mill. euros	195.811.364.100 ptas.
Outros Ministerios	441,00 mill. euros	73.376.226.000 ptas.
Imputación dos Intereses da Debeda	1.673,64 mill. euros	278.470.265.040 ptas.
TOTAL GASTO MILITAR   2,43 % PIB	16.789,15 mill. euros	2.793.479.511.900  ptas

Ministerio de Asuntos Exteriores : neste apartado inclúense as operacións e misións de mantemento da paz en Kosovo, Líbano, Chipre, Bosnia, Centro África, Etiopía Eritrea, Congo, Sáhara Occidental, Iraq e Kuwait, Xeorxia, Serra Leoa, e as partidas correspondentes á OSCE, OTAN, PESD e UEO

Ministerio de Interior : neste apartado inclúense as distintas partidas para a Policía e a Garda Civil: Seguranza Cidadá, Formación e Forzas e Corpos en Reserva

Ministerio de Ciencia Tecnoloxía (I+D): Inclúe os investimentos de Investigación, Desenvolvemento e Innovación nos proxectos do tanque Leopardo 2-E, a Fragata F-100, o Eurofighter 2000 e outros armamentos.

e:  ColectivoTRITÓN a partir dos Orzamentos Xerais do Estado de 2002 e da Revista Española de Defensa de outubro 2001

A OBXECIÓN FISCAL AOS GASTOS MILITARES

A Obxección Fiscal desenvólvese desde fai máis dunha década por diversas organizacións coa fin de sacar poder ao gasto militar desviando diñeiro dos impostos do I.R.P.F.

Este ano a campaña foi asumida como propia polo chamado Movemento Antiglobalización a través do Eixo Antimilitarista da Campaña Contra a Presidencia Española da Unión Europea.

A Obxección Fiscal é unha campaña de desobediencia civil que convida á sociedade a non pagar a Facenda unha cantidade en protesta polo gasto militar, e contravir con iso a lei de forma pública, colectiva, política e noviolenta para suscitar un debate sobre a militarización social, cultural e económica e rescatar o protagonismo social nas decisións que afectan a estes temas.

Á súa vez, a campaña propón que o diñeiro así "desobedecido" se entregue pol@s obxector@s para financiar outras alternativas e loitas sociais solidarias, xa sexa as que cada quen considere máis achegadas á súa idea do que realmente hai que defender, xa aos proxectos alternativos propostos desde a campaña.

¿CÓMO SE FAI A OBXECIÓN FISCAL?

Existen dúas formas:

COTA PORCENTUAL: Consiste en desviar, non evadir, da cota líquida da túa Declaración da Renda o 5, 62% (orzamento oficial do Ministerio de Defensa) ou o 14, 91% (gasto militar total que inclúe outras partidas: OTAN, UEO, I+D...).

COTA FIXA: Desvías 84, 00 euros (en protesta polos 84 países empobrecidos pola débeda externa), ou a cantidade que ti decidas, da cota líquida da túa declaración da Renda.

A cantidade da túa Obxección Fiscal ingrésala no proxecto alternativo que escollas e xuntas á túa declaración o xustificante do ingreso.

MODOS DE CUBRIR A DECLARACIÓN:

Ingresas a cantidade da túa obxección fiscal no proxecto que escolleses (pide dous recibos, un para ti e outro para incluír na túa declaración). É conveniente que xuntes tamén unha instancia dirixida ao Delegado/a de Facenda alegando os motivos da túa Obxección aos gastos militares; nela comunícaslle o total do diñeiro desviado e o proxecto social que escolliches como alternativo ao Gasto Militar.

Cobres os impresos da declaración e ao chegar ás deduccións xerais, risca o enunciado dunha das cuadrículas e engade "por obxección fiscal aos gastos militares" e a cantidade escollida.

Se utilizas medios informáticos, podes incluíla nalgún dos apartados en que a deducción da cantidade global se fixa en "tanto por cento", ou tamén incluíla directamente a man.

LEMBRA: aínda que a declaración che saia a pagar, a devolver ou de cota líquida cero, sempre podes declararte persoa obxectora fiscal, reclamar o diñeiro que dos teus impostos se destina ao gasto militar, e desvialo ao proxecto alternativo.

PROXECTOS COLECTIVOS

A Asemblea Estatal de Obxección Fiscal decidiu dar un carácter unitario á campaña deste ano, baixo o lema Por unha Europa Desmilitarizada, presentando como un só proxecto común as campañas, foros e accións en relación coa Europa, que levarán a cabo os seguintes grupos promotores:

a) Foros Sociais de Zaragoza e Sevilla
b) RCADE, de Barcelona
c) Consulta Europea, de Madrid
d) Xornadas en Bruxelas pola Obxección de Conciencia.

Os Foros Sociais de Zaragoza (18-23 de Marzo) e Sevilla (Xuño) encádranse dentro das propostas do Eixo Antimilitarista da Campaña Contra a Presidencia Española na Unión Europea, como alternativos aos distintos Cumes oficiais (de Ministros de Defensa e de Xefes de Estado respectivamente) que terán lugar no estado español neste semestre.

Desenvolveranse diversas conferencias, mesas redondas, accións de rúa, concertos e manifestacións unitarias, incluída unha marcha á Base da OTAN en Rota, en protesta polo modelo de Defensa Militar en Europa, o aumento do gasto militar, a presencia de bases de Estados Unidos no territorio nacional, etc. Diversos grupos ou representantes dos movementos sociais de moi diversos países, exporán as súas alternativas e experiencias.

A Rede Cidadá para a Abolición da Débeda Externa (RCADE) naceu en 1999 para preparar un proceso de consulta social pola abolición da débeda externa, que se levou a cabo en Marzo de 2000. A RCADE renunciou desde a súa fundación a recibir ningún tipo de axuda económica que poña en risco a súa independencia, e que teña a súa orixe en es relacionadas co que, precisamente, trata de combater. As actividades do RCADE están presididas polo espírito e o compromiso coa Noviolencia. Os seus obxectivos xerais son:

Desenvolver a rede cidadá para crear tecido social asociativo.

Sensibilizar ao conxunto da poboación sobre á esixencia de abolición da Débeda Externa dos países empobrecidos.

Actuar no campo da formación para profundar sobre as causas das desigualdades, tanto no ámbito da propia rede, como no ámbito educativo e asociativo.

Manter relacións de apoio mutuo e colaboración con outros grupos sociais para a difusión e apoio da abolición da débeda externa, e colaboración en outros obxectivos, como a Consulta Social.

A Consulta Social Europea é un proxecto que lanzan diversos grupos sociais con obxecto de reflexionar xunto á cidadanía sobre a Europa que queremos, e eventualmente, propor unha consulta social cadrando coas eleccións oficiais ao Parlamento Europeo do 2004. A idea xorde a partir doutras experiencias previas (Consulta Zapatista, Consulta Social para a Abolición da Débeda Externa, etc.) nas que se descobre a potencialidade de mobilidade e sensibilización que pode espertar este tipo de campañas.

A consulta pretendería dous obxectivos base:

Servir de soporte a procesos de información, reflexión, debate e proposta social.

Desenvolver un consulta social na que a cidadanía europea expresase a súa opinión, xa que Europa foi e segue a ser unha das principais promotoras da globalización capitalista.

Basicamente comprende tres fases:

a) 2002, consulta interna entre movementos
b) 2003, difusión e reflexión xunto á cidadanía
c) 2004, Consulta Social directa.

En Bruxelas vanse levar a cabo, con motivo do día internacional da Obxección de Conciencia (15 de maio) e promovidas pola Internacional de Resistentes á Guerra, unhas xornadas de formación na noviolencia e encontro entre obxector@s de conciencia, especialmente de Croacia, Serbia, Macedonia, Bosnia, Albania, Turquía e Grecia.

Para apoiar estes proxectos, fai o teu ingreso en:
Titular: Campaña de Objección Fiscal.
Caja Madrid Nº  C/C:  2038 1969 61 6000093058

MODELO DE CARTA

(en formato rtf para descargar)

     ,xuño de 2002

Nome:

Enderezo:

Poboación:

Sr/a.Delegad@ de Facenda:

Un ano máis chega o momento de contribuír co IRPF ao sostemento dos servicios públicos, e un ano máis facemos a Declaración con ese convencemento. Pero, ao igual que nos anos precedentes, non podemos senón escandalizarnos pola inmensa contía dedicada ao Gasto Militar que, como vostede saberá, non comprende unicamente o orzamento destinado ao Ministerio de Defensa, senón que se encobre en partidas asignadas a outros moitos ministerios, resultando finalmente máis do dobre que o oficialmente recoñecido.

O Estado Español está a dedicar ao negocio da morte 16.789 millóns de euros (case 3 billóns ptas ., 2, 43%PIB), superando os orzamentos dos Ministerios de Educación, Cultura, Traballo e Asuntos Sociais e Medio Ambiente xuntos. Non podemos soster cos nosos impostos un Gasto Militar diario estimado en 5.300 millóns de pesetas.

Por iso, un ano máis súmome á Campaña de Obxección Fiscal aos Gastos Militares, unha campaña de desobediencia civil noviolenta de ámbito estatal con 2 décadas de antigüidade que en cada exercicio suma máis desobedientes no Estado español a fin de lograr a desmilitarización do diñeiro público, e reclamar un fin adecuado con valores de solidariedade, paz e xustiza, principios básicos de artellamento social. Por iso, decidimos consciente, pública e colectivamente NON FINANCIAR o Gasto Militar, non colaborar cos Exércitos, e pedir a súa desaparición.

Non se nos escapa que algunhas destas peticións fican fóra da súa competencia.

Pero outras non. Así pois, xúntolle o ingreso no Banco da miña cota por Obxección Fiscal, diñeiro detraído ao armamentismo e desviado á Campaña de Obxección Fiscal (sen afán de defraudar, por tanto, como se deduce da publicidade que lle damos á Campaña, e desta mesma carta que lle remitimos). Con el financiaranse os proxectos colectivos de apoio aos Foros Sociais de Zaragoza e Sevilla, á RCADE de Barcelona, á Consulta Europea de Madrid e ás Xornadas en Bruxelas pola Obxección de Conciencia, así como outros que estimamos teñen unha finalidade desmilitarizadora, e xunto o comprobante do meu ingreso. Estou convencid@ de que aí os meus impostos servirán para construír un mundo máis xusto e solidario, de valores antitéticos aos militares.

Finalmente, despídome convidándoo/a a vostede a realizar Obxección Fiscal aos Gastos Militares, porque desobedecer as normas inxustas é politicamente necesario, eticamente esixíbel e, ademais, como vostede comproba, está ao alcance de calquera de nosotr@s.

Atentamente,

Asinado,