Er objectiu principau, qu'a per finalitat er acompliment des principaus prètzhèts qu'actuaument li cau desvolopar quinsevolh comunista revolucionari, ei era Reconstitucion deth Partit Comunista. Precisament per açò, encetam er apartat en d'autes lengües en nòste portau ath hilat, en tot hèr er esfòrç d'arrevirada, entà mielhor coneishement deth rèste deth movement comunista internacionau, des tèxtes e documents fondamentaus que, generadi per grops deth madeish movement, hèn referéncia precisament ara Reconstitucion deth Partit Comunista e ath recorregut que mena necessàriament a assumir era realizacion deth balanç e des prètzhèts que cau acomplir entà arténher aguesta hita. Prosseguiram aguest esfòrç damb naui tèxtes e documents, pròpris e alièni, que pensam contribuïssen positivament en aguest objectiu e amassa afavorissen era luta entre es dues linhes internacionaui cap ar establiment dera Linha Generau dera Revolucion Proletària Mondiau.