NIN IMPUNIDÁ NIN COMPLICIDÁ PINOCHET ESTRADICIÓN



     d'interponer los recursos Bélxica y seis organizaciones de Derechos Humanos, esamínense hoi nel Reinu Uníu les alegaciones presentaes por dellos países al informe médicu en que se basó la decisión del Ministru d'Interior británicu, Jack Straw, d'interrumpir el procesu d'estradición del xeneral Augusto Pinochet.

fg     La llucha contra la impunidá del home que dirixó Chile per mediu del terror, que tantes esperances suscitara ente la xente que defende la xusticia, dio un xiru escomanáu cola decisión del Sr. Straw, faciendo esgayolerase al gobiernu español que, nel momentu decisivu, punxo delantre les consideraciones polítiques a la xusticia que tanto naguaben les víctimes de les violaciociones de los Derechos Humanos y de les sos families, torgando les iniciatives xudiciales de recursu contra'l determín del Ministru d'Interior británicu.

    Según el dictamen del Altu Tribunal londinense, namás l'Estáu español taba lexitimáu pa recurrir la decisión del ministru Straw y impidir la lliberación del dictador Pinochet. Ensin embargu, la renuncia del gobiernu español a recurrir esta decisión dio-y al ministru británicu la escusa perfecta pa quitase d'enriba esti "problema". El gobiernu español nun cumplió col so deber moral nin cola obligación legal de nun torgar el llabor de la Xusticia.

    Si persiste na so actitú, el gobiernu del Sr. Aznar va pasar a la hestoria como'l gobiernu que nun aprovechó la gran oportunidá de poner en práctica el principiu de xusticia universal. Amás de da-yos la espalda a les víctimes que teníen l'enfotu de llograr una reparación moral por tol sufrimientu, el gobiernu del Sr. Aznar nun fexo nengún casu a les sos obligaciones legales diendo claramente contra les disposiciones de la Convención contra la Tortura de la ONU y, al someter a control políticu el llabor del xuez Garzón, nun respeta la independencia del poder xudicial, establecida bien a les clares nel artículu 117 de la Constitución y nel artículu 1 de la Llei Orgánica del Poder Xudicial.

    Los caberos quince meses d'arrestu del xeneral nun pasaren en baldre. Representaren un fitu hestóricu na llucha contra la impunidá, llantando un precedente bien valiosu dende el puntu de vista legal y llanzando a tolos represores del mundu un avisu claru y esmolecedor pal so futuru.

    Pero nun podemos conformanos con estos avances parciales. L'actitú del gobiernu británicu y l'español nun pue quedar ensin la respuesta de les persones que tengan sentíu de la xusticia. A cuenta d'ello siguimos esixendo al gobiernu español que rectifique, que se ponga del llau de la Xusticia, de la legalidá y de les víctimes, y que cumpla cola so obligación legal y moral, de permitir que la orden del xuez Garzón llegue a la Fiscalía británica pa que siga col casu hasta agotar toles posibilidaes legales.

    Amnistía Internacional (AI), Bloque de la Izquierda Asturiana (BIA), Comités de Solidariedá con América Llatina (COSAL), Fundación Paz y Solidariedá de CCOO, Izquierda Xunida (IX), Las Segovias, SODEPAZ, SUATEA, Plataforma Asturiana de Solidariedá con Chiapas.