Fernando fuere de los precursores d’esti actu conmemorativu nel 2.000.

Nun día tan especial, Fernando nun podía nun tar presente. Dende l’entamu la solidaridá con Fer foi ún de los claves del conciertu. Grupos, públicu y organización ficeron recuerdu del mozu independentista presu en Navalcarnero, a más de 500 km d’Asturies. “Nun tamos toos falta Fernando” foi ún de los llemes que se pudieron escuchar… Los tres grupos: Skama La Rede, Mala Reputación y Betagarri solidarizáronse cola difícil situación na que s’alcuentra esti ciudadanu asturianu tres la aplicación de la Llei Antiterrorista española que torga drechos fundamentales y actuaron con un cartelu de “Fer llibertá” nel escenariu y ficieron alusiones al casu. Tres l’actuación de Skama La Rede un representante de “Familiares y Amigos” informó del casu y de la so situación en Navalcarnero onde lu relacionen col 11-M faciendo responsable de lo que-y puea ocurrir al delegáu del Gobiernu Antonio Trevín. Denunciaben que Fernando ta presu en base a supuestos non demostrables acusáu de 18 atentaos y pedíen la so torna a Asturies, garantíes y el respetu a la presunción d’inocencia y denunciaben el xuiciu mediaticu que se-y hiciere. Glayíos de “Trevin fascista tu yes el terrorista” y “El Comercio manipulación” oyéronse demientres la nueche, xunto a los de “Fer llibertá”. Na actuación de Betagarri un garrapiellu de mozos xubieron al escenario cola pancarta que se vien usando nos actos de solidaridá col llema “Queremoslu n’Asturies. Fer llibertá”. Nadie nun escaeció el sábado n’Avilés que Fernan nun taba al ser víctima d’un llaváu de cara de la Policia al nun tener esclarios ataques dende 2001 y d’una campaña de demonización de la so persona y de la izquierda asturiana.