Na nuechi de Reis celebróse nel CSO Tóxics de Kornella un conciertu de sofitu a Fer, nel que tuvo presente el propiu Fer acompañáu de dellos miembros de la Asamblea de Familiares y Amigos.

Enantes del conciertu celebróse una espicha, con sidra, empanaes, bollos preñaos y gaiteru.

Actuaron tres grupos catalanes, y entemedies, el propiu Fer subió al escenariu pa dedica-y delles pallabres al públicu, lleendo un comunicáu en catalá.

Na folixa hubo más de trescientes persones, y les perres recaudaes se destinarán al pagu de la fianza y de les abogaes.
Les muestres de solidaridá de los compañeros catalanes foron constantes y Fer recibió el so regalu de Reis, en forma de ramu de claveles colloraos, entregaos por ún de los miembros del so grupu de sofitu en Barna.