Los CJC/CMC convidávosmos a esta actividá entamada pol coleutivu Antonio Gades en Xixón el prósimu 21 de Payares a les 18:00 nel llocal del PCPE-Asturies y los CJC/CMC na ciudá. Nesti actu la cultura ye’l exe fundamental, como, hestóricamente asina foi pa los comunistes y pa too’l campu revolucionariu. El gran compromiso que munchos intelectuales asumieron pa cola causa republicana, antifacista ya comunista nun debe escaecese y qué meyor manera que recitar los sos testos. La lliteratura foi ún de los pilares básicos de trabayu d’estos intelectuales, pero tamién el arte y la música, la cual acompañaranos demientres l’actu. L’exemplu d’estos artistes debe sirvinos pa siguir trabayando el frente cultural y l’acercamientu de la cultura al pueblu y a los sectores populares, faciendo una de nueso, que sirva a los intereses de la nuesa clás y tea un imprescindible conteníu social.
L’actu consistirá nun recital de poemas y testos revolucionarios, llueu habrá un debate qu’esperemos seya lo más ricu posible, y pa finar fadremos un pinchéu amenizau por música popular.

Como dixo José Martí: “Ser cultos pa ser llibres”.