D´au'l silenciu se convertió nuna forma de vida
y la vida ye una forma de muerte, nació la necesidá
se barbuyar, de falar y de glayar; de barbuses cómplices,
diálogos solidarios y glayíos contestatarios.
Agora barbuyamos, dialogamos, glayamos y aicionamos.
¿Qué es glayiu.org?
El glayíu ye la rabia y l´odiu, el dolor, la
impotencia. Les palabres que nun se puen dicir.
El glayíu ye la voz del pueblu, el charrar colectivu y
cordináu, el resultáu del dialogu. L´entamu
a l'aición.
Escueye la to forma de glayar.
[Glayíu ye] una ferramienta llibre (autoxestionada, autofinanciada
y asamblearia) a disposición de los colectivos y persones.
Un mou de facer llegar les voces más allá de les
llendes sociales al traviés de les nueves técniques
de comunicación, sofitaes na tecnoloxía d´interné.
[Glayíu ye] una ferramienta social destinada a ser puntu
d´alcuentru de la disidencia asturiana. Nun-mos resignamos.
[Glayíu ye] una ferramienta plural. Nun semos nin seremos
un únicu glayíu, un únicu discursu, una sola
forma d´entender el cambiu. Fuxímos y fuxirémos
del retruque únicu al pensamientu únicu. Pescanciamos
y pescanciaremos favorecer l´aición plural y cordinada,
la costrución común.
[Glayiu ye] una ferramienta abierta basada na autoespublización
de los contenios de la web por parte de los sos usuarios/es. Vuestru
es Glayiu, vuestra la garganta.
[Glayíu ye] una ferramienta encadarmada que propón
les estayes de: noticia, analís y convocatories; y les
temátiques de: llocal, global, llingua, llibertaes, derechos,
lluches, trabayu, cárcel, mediuambiente, cultura, tecnoloxía,
ciencia.
[Glayíu ye] una ferramienta asturiana y, como tal, pue
ser usada n´asturianu. Los/les persones que facemos Glayíu
tiniamos nidio la necesidá d´espresar el pensamientu,
la palabra y el glayíu na llingua de nuesu pueblu. El compromisu
llingüísticu será un principiu básicu,
articulamos el nuesu glayíu na nuesa llingua negada.
L´Asturianu en Glayiu.org.
La “interface gráfica” de la web tará
disponible n´asturianu y castellán. Por defeutu,
el dominiu www.glayiu.org apuntará a la versión
n´asturianu. La versión en castellán activaráse
al traviés d´un link dende la portada.
La columna central (espaciu xestionao pol Colectivu Editorial
Glayíu) tará n´asturianu contará con
torna al castellán siempre que seya posible.
La columna d´autoespublización (sítiase
a la derecha de la pantalla) y la zona d´autoespublización
dependerá de vos. Ufiertamos-vos a usar l´asturianu.
Por últimu, nel casu d´usar una tercera llingua
distinta a les falaes deberá xuntase una torna a dalguna
de les dos primeres (o asturianu o castellán) cola fin
de facilitar la so lletura.
¿Cómo collaborar con Glayiu.org?
La salú de Glayíu.org depende de la salú
de Glayíu, colectivu que la xestiona, y de la implicación
de los sos lletores na actividá que xenera la web. Si tas
interesáu/a en participar activamente nel proyeutu ponte
en contactu con nos.
mail: info@glayiu.org
web: www.glayiu.org
