NÓS-Unidade Popular. Em liberdade @s oito detid@s (la policía detuvo a ocho personas cuando intentaban entregar a Fraga un busto de Franco)
Galiza, terça-feira 24 de Fevereiro de 2004

Pouco depois das 18 horas, após realizar as oportunas diligências judiciais, abandonavam as instalaçons da polícia espanhola de Compostela @s oito militantes de NÓS-UP detid@s a primeira hora da tarde.
Eram pouco mais das 13 horas quando umha delegaçom da Direcçom Nacional de NÓS-UP, conformada por Ugio Caamanho Sam Tisso, Carlos Morais, Antom Santos e André Seoane Antelo, entravam no recinto do complexo administrativo de Sam Caetano da capital da Galiza para entregar no registro da Conselharia de Presidência a cabeça da estátua de Franco derruvada e o 7 de Dezembro de 2003 na paróquia de Sam Mateu do concelho trasanquês de Narom.
Quando a delegaçom, acompanhada por quatro militantes da organizaçom unitária da esquerda independentista, tinha passado o controlo de entrada e entregara a documentaçom, o mando do dispositivo policial presente manifestou que se achavam detid@s acusad@s de danos. Introduzid@s em três veículos policiais som conduzidos a comisaria. Era perto das 13.30 quando entravam nos calabouços da polícia.
A partir das 18 horas @s oito militantes de NÓS-UP fôrom abandonando de forma escalonada as dependências policiais, sendo recebidos por um grupo de companheir@s e militantes independentistas.
Embora nom foi possível entregar a cabeça do ditador ao seu legítimo proprietário, Manuel Fraga Iribarne, NÓS-UP valoriza positivamente a acççom desenvolvida com a que pretende denunciar a presença de simbologia fascista e a involuçom democrática do actual regime continuador do franquismo.
A detençom de militantes e as medidas legais que se iniciem contra tod@s aquelas/es que executem medidas de acçom directa de claro conteúdo democrático e antifascista nom vam frear nem evitar que a esquerda independentista siga adiante com a campanha de eliminar todo vestígio da simbologia fascista das ruas e praças da Galiza.