¿ ALGÚNS DOS NOSOS TRABALLOS?

Xestión da Aula da Natureza do Veral (Lugo), dependente da Consellería de Medio Ambiente dende o ano 1.999
Programa de Educación Ambiental "Aula Verde na Escola" no Concello de Nigrán (Pontevedra).
"Programa de Difusión Ambiental" da Consellería de Medio Ambiente, dende o ano 1999.
Dinamización do Foro de Medio Ambiente do Concello de Nigrán
Plan de Participación Cidadá nas Axendas 21L do Eixo Atlántico
Exposicións populares sobre a temática do lixo
Educación ambiental en feiras temáticas como VigoNatura
Xornadas e cursos de formación

EQUIPAMENTOS DE EDUCACIÓN AMBIENTAL

Fieito S. Coop. Galega, xestiona a Aula da Natureza do Veral (Lugo) dependente da Consellería de Medio Ambiente dende o ano 1.999. As tarefas que Fieito desenvolve neste equipamento de educación ambiental e que son reflectidas no Proxecto Educativo de centro, son as que pasamos a describir:

Plano de Información e atención ó público
Programa de actividades para visitantes ocasionais
Programa de actividades para grupos organizados
Plano de Intervención ambiental coa poboación local

Elaboración do Proxecto Educativo da futura Aula da Natureza da Fundación Ramón Ferreiro de Allariz (Ano 2004)

PROGRAMAS DE EDUCACIÓN AMBIENTAL PARA CONCELLOS E OUTRAS ENTIDADES

Desenvolvemos programas de educación ambiental para concellos e outras entidades, entre os que destacamos:

Ano 2000

Obradoiros, xogos e conferencias para o Plan de Difusión Ambiental 2000 da Consellería de Medio Ambiente da Xunta de Galicia.
Programa de actividades para a Cooperativa de Ensino Adigna S. Coop. Galega

Ano 2001

Actividades educativas na Feira Vigonatura 2001
Programa "Aula Verde na Escola 2.001" do concello de Nigrán
Programa "Escola Verde" do Concello de Vigo
Obradoiros, xogos e conferencias para o Plan de Difusión Ambiental 2001 da Consellería de Medio Ambiente da Xunta de Galicia.
Obradoiros e Xogos Cooperativos, na Mostra de Cooperativas-Lugo
Actividades Educativas para a Casa da Xuventude de Tui, coa colaboración da Consellería de Familia e Promoción do Emprego, Muller e Xuventude
Actividades de Educación Ambiental para a Comunidade de Montes Veciñais en Man Común de Gondomar

Ano 2002

Obradoiros, xogos e conferencias para o Plan de Difusión Ambiental 2002 da Consellería de Medio Ambiente da Xunta de Galicia.
Programa de Educación ambiental para o concello de Mos
Programa de Educación ambiental para a Comunidade de Montes en Man Común de Gondomar
Programa Educativo da Feira Vigonatura 2002, desenvolvido tamén nos centros escolares de Vigo, en colaboración co Concello de Vigo.
Programa "Aula Verde na Escola 2.002" do concello de Nigrán
Actividades educativas sobre as Enerxías Renovables para o concello de Lalín

Ano 2003

Obradoiros, xogos e conferencias para o Plan de Difusión Ambiental 2003 da Consellería de Medio Ambiente da Xunta de Galicia.
Programa "Aula Verde na Escola" do Concello de Lugo coa participación de case a totalidade dos centros públicos de primaria do municipio.
Programa "Aula Verde na Escola 2.003" do concello de Nigrán
Programa "O teu consumo e o Planeta Azul" Vigonatura 2003, desenvolvido tamén nos centros escolares de Vigo, en colaboración co Concello de Vigo.
Programa "Horta Escola" no CEIP Serra de Vincios, coa colaboración da Comunidade de Montes en Man Común de Gondomar.
Actividades Educativas para a Casa da Xuventude de Tui, coa colaboración da Consellería de Familia e Promoción do Emprego, Muller e Xuventude
Actividades de Educación Ambiental para faro de Vigo na Feira Vigolandia 2003.

Ano 2004

Programa "Aula Verde na Escola 2.004" do concello de Nigrán
Actividades Educativas para a Fundación Ramón Ferreiro de Allariz.

OBRADOIROS, XOGOS E CHARLAS AMBIENTAIS

Fieito ven realizando obradoiros e xogos ambientais para a Consellería de Medio Ambiente dende o ano 1.999, dentro do seu "Programa de Difusión Ambiental" orientado a asociacións, centros escolares, concellos, etc... Así mesmo, tamén realiza estas tarefas para outras entidades e noutros marcos como Comunidades de Montes, Feiras, Centros de ensino, Asociacións de Nais e Pais...

Presentámosvos parte da nosa oferta de actividades:

OBRADOIROS

XOGUETES CON LIXO
Obradoiro no que se aborda a problemática da producción de residuos e a regra dos 3 erres: Reducir, Reutilizar e Reciclar. Estes contidos son tratados a través de sinxelos xogos e a construcción de xoguetes con material de refugallo.
COIDEMOS O BOSQUE: Reciclaxe de papel
Obradoiro no que se elabora papel reciclado a partir de papel usado como xeito de contribuír á conservación dos nosos bosques.
COIDEMOS A AUGA: Xabón Ecolóxico
Obradoiro no que se elabora xabón a partir dos aceites usados das cociñas, aproveitando este residuo e evitando que contamine a auga.
COMPOSTAXE
Obradoiro sobre a problemática do lixo no que a través dun proceso natural, como é a compostaxe, transfórmanse os restos de comida en abono coñecendo os seus beneficios para o medio ambiente.
CONSUMO RESPONSABLE
Obradoiro sobre a problemática do consumo irracional, onde a través da simulación dun pequeno mercadiño búscase a formación de futuros consumidor@s conscientes e responsables.
COMERCIO XUSTO
Obradoiro a través do cal @s participantes descobren o comercio xusto en contraposición á explotación laboral e medioambiental do actual sistema de comercio.
ENERXÍAS LIMPAS
Obradoiro no que se explica a importancia do aforro de enerxía nos nosos fogares, ademais do estudio das distintas alternativas existentes actualmente para a producción enerxética e a problemática ambiental en cada caso, a través da utilización de pequenos enxeños que funcionan con enerxías renovables.
SONS DA NATUREZA
Actividade na que se pon en contacto @s participantes cos distintos sons que se producen na natureza.Tamén se aborda a problemática do ruído como fenómeno que afecta a comunicación e á nosa saúde.
FOGAR PARA PAXAROS
Obradoiro no que se aborda a problemática da conservación das aves a través da construcción de caixas-niño para os paxaros.
OS RASTROS DOS ANIMAIS GALEGOS
Obradoiro sobre os métodos de observación da fauna autóctona galega, que se aborda a través do estudio dalgúns dos rastros e sinais que aparecen no medio natural: pegadas, egagrópilas, plumas, sons, etc...
USOS DAS PLANTAS: Tinguiduras e outros usos
Obradoiro no que se realiza prácticas de tinción de tecidos con tinguiduras naturais ademais de coñecer algúns dos usos medicinais das plantas galegas.
USOS DAS PLANTAS: Cestería
Actividade na que achegamos @s participantes ó coñecemento desta forma de artesanía tradicional, como un xeito de recuperación do noso patrimonio etnográfico e como alternativa ós envases fabricados a partir de materiais contaminantes.
A VIDA NO MAR
Obradoiro no que se estudia o medio mariño dende a súa diversidade e as súas problemáticas, utilizando como medio diferentes xogos participativos.

XOGOS

XOGO DE ROL "UNHA AUTOESTRADA PASA POLO MEU POBO"
Xogo de rol, onde os/as participantes adoptan a personalidade dun colectivo que está implicado na problemática da construcción dunha autoestrada (goberno local, veciños/as, ecoloxistas, transportistas), tentando chagar á resolución do conflicto entre tod@s.
XOGOS POPULARES
Actividade na que achegamos ós participantes ó coñecemento dos xogos que practicaban os seus maiores, como unha forma de recuperación do noso patrimonio etnográfico, e como non, de diversión.
XOGO DA PAZ
Actividade formada por un grupo de xogos mediante os cales se estimula a reflexión sobre algúns conflictos internacionais e sobre como abordar as diferencias entre as persoas de forma pacífica.

CHARLAS

ECOLOXÍA DOMÉSTICA
Charla na que se ofrecen consellos prácticos para aplicar nas nosas casas e reducir o noso impacto no medio que nos rodea.
REDUCE O TEU LIXO
Charla na que se trata a problemática dos residuos centrándose na súa solución: a regra dos tres erres, Reducir, Reutilizar e Reciclar; e insistindo principalmente na importancia do noso consumo na reducción dos residuos que producimos e a nosa colaboración na recollida selectiva.
GLOBALIZACIÓN E MEDIO AMBIENTE
Charla na que se trata cal é a relación entre a globalización neoliberal e a degradación do medio ambiente.

OUTRAS PROPOSTAS

CENTRO ESCOLAR VERDE: AMBIENTALIZACIÓN DOS CENTROS DE ENSINO
ECOAUDITORÍA ESCOLAR
Conxunto de obradoiros nos que se realiza unha análise do impacto que causan no medio ambiente a actividade do centro escolar. Esta ecoauditoría pódese centrar nalgún aspecto concreto do centro (Residuos, papel, enerxía...), ou ben ser unha auditoría xeral que abarque de forma integrada todos os aspectos medioambientais.
AXENDA 21 ESCOLAR
Cada vez son máis as cidades galegas que se comprometen activamente na defensa do medio ambiente e cara ó desenvolvemento sostible, a través da elaboración dun proceso participativo para toda a poboación denominado Axenda 21 Local, que analiza, busca alternativas, e actúa, coa finalidade de mellorar o entorno ambiental da cidade. Os centros de ensino teñen un papel de gran importancia na educación dende e cara ó desenvolvemento sostible, que poden abordar a través da posta en marcha da súa propia A21 de centro, que colabora co proceso realizado dende o seu concello (se se está a realizar), ou anima á súa posta en marcha no caso de que non fora iniciado.
A HORTA ECOLÓXICA
Actividade centrada na posta en marcha dunha pequena horta que permita estudiar os procesos máis importantes que se dan na terra, ver as diferencias entre a agricultura intensiva e a agricultura ecolóxica, elaboración de bancais, elaboración de abono (compost), sementeira e coidados da horta...
TEMPO LIBRE E EDUCACIÓN AMBIENTAL
Colaboramos nos novos programas de dinamización xuvenil que se veñen desenvolvendo nos últimos anos nas cidades galegas. Dentro destes programas podemos destacar os seguintes:
- Noites Vivas (Concello de Vigo, anos 1.999, 2000, 2002 e 2003)
- Tardes Vivas (Concello de Vigo, ano 2003)
- Noites Abertas (Concello de Tui, anos 2.001, 2002 e 2003)
- Súbete ó Castro (Programa "Castro Verde", Concello de Vigo, ano 2.001)

Fieito tamén realiza e colabora en campamentos de educación ambiental promovidos por concellos, como o celebrado no Albergue de Alvarella (Pontedeume) polo concello de Santiago de Compostela no ano 2002 ou os celebrados no Albergue a Escola de Vilar de Santos (Ourense) polos concellos de Santiago de Compostela e Vilagarcía de Arousa no verán 2003, e o celebrado no albergue rural O Coto en Arbo polo Concello de Santiago de Compostela no ano 2004.

DESEÑO E ELABORACIÓN DE MATERIAIS PARA EDUCACIÓN AMBIENTAL

Dentro do noso traballo no eido da Educación Ambiental, desenvolvemos tamén as tarefas de concienciación e comunicación a través da elaboración e publicación de materiais divulgativos. Entre os traballos de divulgación ambiental realizados ate o momento, destacamos:

Cadernos didácticos sobre o bosque "Descubre o Bosque".Esta publicación consta de tres modelos adaptadas ás diferentes idades ( 2º e 3º de primaria, 4º-5º e 6º de primaria, e a partir de 13 anos).
Cadernos didácticos sobre a auga "A Vida na Auga".Esta publicación consta de tres modelos adaptadas ás diferentes idades ( 2º e 3º de primaria, 4º-5º e 6º de primaria, e a partir de 13 anos)
Cadernos didácticos sobre as zonas húmidas de Lugo "Os Humidais da Terra Cha". Esta publicación consta de dúas variantes adaptadas ás diferentes idades ( 4º-5º e 6º de primaria, e a partir de 13 anos).

Estes tres cadernos didácticos foron publicado pola Consellería de Medio Ambiente no ano 2.001, coa finalidade de ser utilizados nas actividades da Aula da Natureza do Veral.

Cadernos didácticos complementarios ós xogos e obradoiros.

XORNADAS E CURSOS DE FORMACIÓN

Dentro das actividades de Fieito tamén están as de formación, para o cal elaboramos e poñemos en marcha cursos de formación para diferentes sectores. Dentro dos realizados ate o momento podemos destacar:

VI Xornadas de Educación Plástica para o Profesorado, centrado na plástica e a educación ambiental. Organizado pola Unión de Cooperativas de Ensino (UCETAG). Estas xornadas foron realizadas no ano 2.001.
Prácticas do Curso de Post-Grao Universitario de Especialista en
Dirección de Actividades Educativas na Natureza (ano 2.001)
VIII Xornadas de Educación Plástica para o Profesorado, centrado na plástica e a educación ambiental. Organizado pola Unión de Cooperativas de Ensino (UCETAG). Estas xornadas foron realizadas no ano 2.003.
IX Xornadas de Educación Plástica para o Profesorado, centrado na plástica e a educación ambiental. Organizado pola Unión de Cooperativas de Ensino (UCETAG). Estas xornadas foron realizadas no ano 2.004.

PARTICIPACIÓN E EDUCACIÓN AMBIENTAL XESTIÓN E DINAMIZACIÓN DE AXENDAS 21 LOCAIS

A busca do desenvolvemento sostible no noso país, fai que Fieito anime constantemente ás administracións locais á utilización de ferramentas que fagan realidade esa meta. Neste sentido a elaboración e aplicación de Axendas 21 Locais como a posta en marcha de diferente foros participativos, coa colaboración e aprobación da cidadanía, son unha ferramenta de gran utilidade para comezar a sentar as bases dun desenvolvemento responsable e sostible para o noso planeta.

Presentamos algúns dos traballos realizados:

Dinamización da participación do Foro cidadán de Medio Ambiente do Concello de Nigrán patrocinado por Fomento de Construcciones y Contratas (anos 2002-2003-2004)
Desenvolvemento do Plan de participación das Axendas 21 Locais do Eixo Atlántico, que se está realizando no concellos de: Monforte, Lugo, Santiago, Ourense, Ferrol, e Vigo. (anos 2004-2005)

CELEBRACIÓNS DE DÍAS SINALADOS

Aínda que o respecto ó medio ambiente é unha tarefa que se debe realizar durante todo o ano non podemos esquecer días importantes, que poden facer que algunhas persoas reflexionen e comecen o seu camiño individual e colectivo cara ó desenvolvemento sostible. Neste eido Fieito organiza actos especiais para os días: día do medio ambiente, día da terra, día da árbore, día dos humidais, día sen coches... Así mesmo organizamos exposicións e outros actos divulgativos dos que destacamos:

Exposición Popular sobre o Lixo- e Campaña comunicativa e informativa complementaria. Concello de Nigrán.2002
Campaña comunicativa e informativa complementaria sobre a recollida selectiva . Concello de Nigrán 2003
Dinamización educativa da Correlingua. Concello de Vigo (anos 2003- 2004)