Manifesto okaze de manifestacio la 24an de Novembro de 2007
¡Ya está bien! (Jam sufiĉas!)
Tacoronte
Haveno de Granadilla
Ne pli da betono!
Mi deziras kuri kaj feki sur la grundo!
Plian jaron, ĉiuj kune, senlace, esperplenaj, ni revidas nin en la stratoj de
Santa Cruz.
Nia propra festo, la festo de la DIGNECO de la popolo.
Eksonu la tamburoj!, ekaudiĝu la fajfiloj kaj kantoj de niaj homoj!, estu
klamataj niaj deziroj!, estu montrataj niaj afiŝoj!, kaj estu pruvita...
UNU PLIAN JARON !!
ke ili ne trompas nin!
ke ni scias kio estas malantaŭ tiuj egaj-etaj strukturoj kiujn ili volas realigi per
nia mono, kaj koste de nia vivmaniero, niaj kutimoj kaj nia Naturo!
ke ili estas senpovaj fronte al konscia popolo!
ke ni ne kredas iliajn fi-amasinformilojn!
ke ili ne venkos per mensogo kaj demagogio!
UNU PLIAN JARON !!
ni efektivigu nian demokratian rajton je rekta politika partoprenado, por ke
la regantoj aŭskultu la voĉon de la civitanaro kiu ne sentas sin atentata kaj
respektata, kiu postulas publikan respondecon rilate al la problemoj pri sano,
pri edukado, sociaj, mediaj kaj teritoriaj.
ILI AŬSKULTU !!
ke ni ne volas la pligrandigon de la flughaveno
de "Los
Rodeos", pro ĉio kion ĝi
implicas rilate malaperigon de kulturitaj grundoj, de identeco kaj de vivkvalito, same
kiel rilate al la pli granda nutra dependeco de eksterlando!
ke la Periferia Aŭtovojo de la Metropola Regiono de Tenerifo, kiu
pretendas kovri per betono la malmultajn fruktodonajn
agrikulturajn grundojn kiuj restas en La
Laguna, tiel detruante esencajn vivmanieron,
kutimoj kaj valoroj de niaj homoj, ne realiĝos!
ke ili ne plu trompu nin pri la avantaĝoj de la
Ĉirkaŭinsula Aŭtovojo, kiu nur detruas pliajn bienojn, ekspropietigas pliajn domojn, detruas
pliajn vivmanierojn, forkurigas homojn el ties loĝlokoj. Ili
agadu favore al la disvolvado de la kamparo, kaj favore al daŭripova laborado en
tiuj regionoj, kaj ili plibonigu la nunajn veturvojojn!
ke ili ne plu detruos, forfaligante la domojn de tiuj, kiuj estas plej
malriĉaj, la marbordon per pliaj fiaj havenoj por jaĥtoj!
ke ni ne volas pliajn urbanizadojn en Güimar, nek pliajn
turbinojn en Chio, nek en iu ajn alia loko!
ke ni jam estas lacaj pro la urbaniza koruptado, pro la pliriĉiĝo de
ĉiam la samaj, koste de niaj naturaj riĉfontoj kaj de niaj heredaj havaĵoj! Ni
volas ke la tuta vero montriĝu en la afero de la Strando de "Las Teresitas", kaj
ke estu malliberigitaj tiuj kiuj tion meritas! Kaj ni deziras la samon rilate la aferon de la Haveno de
Granadilla! Kaj ankaŭ rilate ĉiujn urbokomunumojn kun kulpuloj pri deliktoj pro koruptado!
ke ni sukcesis, jam sep jarojn, haltigi la konstruadon de
la ege detrua Haveno de Granadilla, KAJ NI HALTIGOS TIUN KONSTRUADON
PLIAJN SEP JAROJN, KAJ PLIAJN CENT JAROJN! Ĉar, fakte, tiu haveno konstruiĝos NENIAM!
ĈAR NI VOLAS :
ke ili ŝanĝu la ekonomian modelon!
ke ili respektu la kamparajn areojn!
ke ili agadu favore al la renovigeblaj energi-fontoj kaj al la daŭripovaj laborpostenoj, respektemaj kun la medio!
ke ili investu en sociaj, kulturaj, mediaj aferoj, kaj en aferoj rilataj al sano kaj edukado!
ke ili ŝanĝu la subvenciojn kaj fiskajn favorojn por plibonigi la
renton kaj evoluigi la agrikulturan medion, ke ili ne fielspezu en faraonajn konstruaĵojn kaj
ke investu en longatempan formadon por ĉiuj kanarianoj!
POR TIO !!
por niaj cerealaj grundoj, por niaj legomaj ĝardenoj kaj fruktarboj, por la
krutaj marbordoj de "Tacoronte" kaj de "El Sauzal", de "Anaga" kaj ties
marborda medio, por la strandoj de "El Médano", "Las Teresitas", kaj
por la monto "Montaña Roja", por niaj krutejoj, por la aero kiun ni
spiras, por ĉiuj batalantaj sanlaboristoj kaj edukistoj, por
ni ĉiuj, ni diras al niaj politikistoj:
NI DEFENDU NIAN TERITORION, NIAN ESTONTECON!!
ALKURU AL MANIFESTACIO !!
Tio estas via rajto, via libera kaj demokratia esprimado!
Diru JES al la uzado de la mono por plibonigi la Publikan San-servon kaj la Publikan Edukadon!
Diru JES al la uzado de la mono por la kreado de laborpostenoj en la kamparo, kaj por dignigi la
salajrojn de la agrikulturistoj kaj de la brutobredistoj!
Diru JES al la kreado de laborpostenoj por plibonigi la Medion, por
atingi nutran kaj energian memsufiĉecon!
Diru JES al vera publika transporta servo, efika, rapida, senpaga, atingebla de
ĉiuj, kaj el ĉiuj lokoj de nia insulo!
Diru JES al la Kulturo, al la interkultura pliriĉiĝo, sed NE al la
malaperigado de niaj radikoj!
Kaj diru aliajn multajn jesojn kiujn ni volas en niaj insuloj, kaj
kiujn ili forgesis ĉar ili preferas la detruon de la teritorio!
