Sciencfikcia romaneto. Tradukita el la hispana de Liven Dek (Miguel Gutiérrez Adúriz).
A. Thorkent estas la pseŭdonimo de Angel Torres Quesada, hispana sciencfikcia-verkisto el Cádiz, kiu en la komenco devis unue uzi anglecan nomon (nur verkojn el angleparolantoj oni vendis tiuepoke) kaj due fari absolute senpretendajn verketojn (t.n. trajnliteraturo), kun difinita nombro da paĝoj (ĉiam 94), por vivteni sin. La originala lingvo estas la hispana (kastilia). Nuntempe, la verkoj de Angel Torres Quesada aperas sub lia reala nomo kaj, kvankam ili daŭre havas aventurajn fonojn, ili estas literature pli altkvalitaj.
Fakte, la apero de la serio “Future” celis ŝtopi trueton en nia kulturo havigante al la esperanta sciencfikcia-leganto tre malmultekostan trajnliteraturon.
|
|
|
|
