El gobierno municipal de Oleiros
ha realizado una campaña contra Ariel Sharon y a favor
del pueblo palestino
Ayuntamiento
de Oleiros / CSCAweb: 19-11-04
[Texto original en gallego]
"Ángel
García Seoane presentou a campaña que o concello
de Oleiros comeza a facer, a prol do pobo palestino e conta da
política de xenocidio de Israel. Nada mellor que a caricatura
de Ariel Sharon, caracterizado de 'besta salvaxe' e con Bush
montado nas súas costas caracterizado de 'vaqueiro ianqui',
pisoteando tanto ós nenos como á bandeira ensanguentada
de Palestina, para amosa-la repulsa á que o goberno municipal
quere sumar a toda a sociedade galega e do resto do estado, contra
da política ofensiva e terrorista do goberno israelí"
Oleiros, venres 8 outubro 2004.-
Ángel García
Seoane presentou a campaña que o concello de Oleiros comeza
a facer, a prol do pobo palestino e conta da política
de xenocidio de Israel. Nada mellor que a caricatura de Ariel
Sharon, caracterizado de 'besta salvaxe' e con Bush montado nas
súas costas caracterizado de 'vaqueiro ianqui', pisoteando
tanto ós nenos como á bandeira ensanguentada de
Palestina, para amosa-la repulsa á que o goberno municipal
quere sumar a toda a sociedade galega e do resto do estado, contra
da política ofensiva e terrorista do goberno israelí.
Así o manifestou o rexedor municipal, quen lembrou a actitude
cómplice dos EEUU nas diversas campañas coas que
o máximo mandatario israelí decide esmaga-los dereitos
do pobo palestino a ter unha vida digna, e a vivir en terra de
seu. Denunciou García Seoane o feito de que na última
campaña que estamos sofrindo, a 'descritiva' "días
de penitencia", son perto de 100 as persoas asasinadas polo
exército israelí, persoas entre as que as balas
non se frean ante os nenos e nenas, vellos e vellas, mozos e
mozas...
En definitiva, unha campaña
de auténtico exterminio dun pobo que leva décadas
sofrindo unha persecución terrorífica, ante o silencio
ou impasibilidade da comunidade internacional. Fixo mención
tamén á utilización de novas armas por parte
do exército israelí, que fan máis crúa
se cabe a ofensiva. Referíndose á apatía
social e institucional co tema, dixo que "asómbrame
que os gobernos estivesen tan interesados e se pronunciasen tanto
coa caída do muro de Berlín, e en cambio agora,
con ese 'muro' que é aínda moito maior e máis
grave humanamente, estean todos tan calados e consentidores como
están". Eis por iso que o concello de Oleiros, quere
convidar a toda a sociedade galega e á de todo o resto
do Estado español, a manter unha postura activa diante
destes feitos, e pronúnciase abertamente a prol de que
o Goberno Central, a través do Ministerio de Asuntos Exteriores,
adopte posicionamentos activos e tanxibles, actuacións
conducentes a intermediar diante das institucións europeas
e organismos internacionais, a fin de frear este terrorismo de
estado exercido por Israel, animado polos EEUU e consentido co
silencio do resto do mundo.
As camisetas editadas, son
vendidas a 6 euros directamente no concello, podéndose
solicitar chamando ó 981 610000, ou por mail en alcaldia@oleiros.org.
Cos cuartos que se recaden, o concello de Oleiros contribuirá
a levar a cabo proxectos solidarios dentro do territorio palestino
e para a cobertura das necesidades do seu pobo. Ademais, García
Seoane convidou ós demais concellos galegos e do resto
do Estado, maís de 8.000, a través dunha carta
que lles está sendo enviada, a sumarse a esta campaña
e facer chegar ó Ministro de Asuntos Exteriores, Miguel
Ángel Moratinos, un manifesto no que se pronuncien a favor
do pobo palestino, contra da política xenocida de Ariel
Sharon, e solicitando ademais do Goberno central que adopte medidas
como poden ser as de carácter económico. contra
do goberno de Israel, ademais doutro tipo de intervencións,
de feitos tanxibles, conducentes a frea-la ofensiva israelí
e conquerir que o pobo palestino, viva en paz. Unhas medidas
que, a xuízo do alcalde oleirense, "pódense
extender tamén a toda a sociedade, ós homes e mulleres
que a integramos, e que co noso xesto particular podemos demostra-la
nosa rotunda oposición e pleno rexeitamento da política
xenocida israelí; boicotea-los productos do mercado que
teñen que ver con Israel directa ou indirectamente, é
algo que está ó alcance de todos, e que depende
da vontade de cada quen. Estes productos levan o número
de codificación comezando coas cifras 7 2 9". Afirmou
Ángel García Seoane que atacando directamente na
economía israelí, polo menos lógrase non
seguir enchéndolle os bulsos de cuartos, cos que logo
mercan armas para asasinar indiscriminadamente ó pobo
palestino.
© Concello
de Oleiros 2004
|
Enlaces relacionados
