5º ANIVERSARIU DE LA CAMPAÑA BOICOT, SANCIONES Y DESINVERSIONES AL ESTÁU D'ISRAEL. (BDS). AYERi SUDÁFRICA, GÜEI PALESTINA

Cte. Palestino de BDS, Rede Solidaria contra la Ocupacion

EL 9 de xunetu de 2005, una coalición de 171 organizaciones de la Sociedá Civil Palestina fixo un llamamientu pa la puesta en marcha d'una campaña de Boicot, Desinversiones y Sanciones (BDS) contra Israel hasta que cumpla col derechu internacional y los principios universales de los derechos humanos. Al cumplise'l 5º aniversariu del entamu d'esta campaña, el Comité Nacional Palestinu (BNC) convocanos otra vuelta pa l'espardimientu, difusión ya implementación de la mesma en tol Estáu español

CSCA

El 9 de  xunetu de 2005, un ensame de 171 organizaciones de la Sociedá Civil Palestina ficieron un llamáu col fin d’entainar una campaña de Boicó, Desinversiones y Sanciones (BDS) contra Israel hasta que cumpla col derechu internacional y los principios universales de los derechos humanos.
Nel 5u aniversariu del entamu d’esta campaña, el Comité Nacional Palestín (BNC) convócanos de nueves pa  espardela, sopelexala ya encontiala en tou l’estáu español.

Demientres l’ataque escomanáu a la Fastera de Gaza nos meses d’avientu de 2008 y xineru de 2009, que causó 1400 muertos, la mayoría d’ellos civiles de los que la quinta parte yeren menores, la comunidá internacional nun condenó al estáu d’Israel y permitió-y un bloquéu illegal y xabaz qu’entá caltién a esta población no que se podría nomar el mayor campu de concentración del mundu. Too ello magar que l’informe Goldstone, aprobáu pola Comisión de Derechos Humanos de la ONU, alcontró series evidencies de crímenes de guerra por causa d’Israel en Gaza y la continuidá de la política colonial nos Territorios Palestinos Ocupaos de Cisxordania, con especial esfotu na espulsión dafechu de ciudadanos palestinos de Xerusalén Este.

En 2009 el parllamentu español suprimió de la so llexislación el principiu de xurisdicción universal, qu’hasta güei llexitimaba a los Tribunales españoles pa l‘enxuiciamientu de crímenes contra la humanidá. Hasta esi momentu los tribunales españoles habíen almitío al trámite la investigación de crímenes contra la humanidá cometíos contra la población civil palestina en Gaza por cabezaleros militares del estáu d’Israel col permisu del Ministru del Interior israelín. Depués d’esti cambiu, realizáu poles presiones declaraes públicamente por representantes del Gobiernu d’Israel, los xulgaos españoles sólo tán llexitimaos pa investigar crímenes cometíos contra ciudadanos españoles en Gaza.

Ente esta situación, sofitamos de mou firme el llamáu del Comité Nacional Palestín y sumámonos a la campaña de Boicó, Sanciones y Desinversiones, mentantu qu’Israel nun cumpla col Derechu Internacional. Asina facemos esti llamáu, non sólo a les organizaciones solidaries col pueblu palestín y al movimientu antiguerra, sinon tamién al conxuntu de la sociedá civil.

Esti llamáu faise a les organizaciones solidaries col pueblu palestín y al movimientu antiguerra asina como al conxuntu de la sociedá civil

Esti manifiestu concretase en 4 bloques.

1 Boicó institucional.

• Esiximos-y al gobiernu español aparar les rellaciones militares ente España y Israel, que incluyen les esportaciones, les importaciones y la cooperación empresarial, tanto nel sector de defensa como nel de seguridá .
• Denunciamos y actuaremos n’aiciones de protesta ente la entrada d’Israel na OCDE (Organización pal Comerciu y el Desarrollu Económicos)
• Esiximos frañar cualesquier tipu de xuntura institucional con Israel de los nuestros gobiernos llocales, autonómicos ya estatal mientres nun cumpla col Derechu Internacional.

2 Boicó comercial

Facemos un llamáu al boicó a los productos de les compañíes siguientes:

• Agrexco, responsable cimeru de la venta de productos, sobre too frutes y verdures, un 60% de los cuálos provién de les colonies en territoriu ocupáu. Dos veces per selmana atraca nel puertu de Valencia un barcu con esi cargamentu, que representa más del 80% de les exportaciones comercializaes nel estáu español.
• Agua Edén Springs, compañía con sé nel territoriu ocupáu del Golán Siriu qu’arrampuña los sos recursos hidrolóxicos, qu’anguañu tá estableciéndose nel estáu español.
• H&M. La compañía H&M abre nueves tiendes n’Israel y tamién en territoriu ocupáu na fastera oriental de Xerusalén. D’esti mou H&M viola la so propia declaración de responsabilidá corporativa aú se compromete a respetar los derechos humanos y combaya coles práctiques illegales del estáu d’Israel.
• Veolia Environnement. La multinacional francesa ye la cabecera del consorciu CityPass un tranvía que xune Xerusalén Oeste con colonies xudíes illegales como Pisgat Ze'ev, French Hill, Neve Ya'akov y Gilo nel Xerusalén Este ocupáu por Israel. Ye nomáu el tranvía l’apartheid, al prohibir el tresporte de la población Palestina.

3 Boicó Cultural y Deportivu

La normalización del estáu d’Israel pasa pola so participación en festivales culturales de toa traza, representando la cara amable d’Israel. El casu más evidente, por raru ye la participación d’Israel n’Eurovisión. Encamentamos al mundu cultural a nun participar en festivales que se faigan nel Estáu d’Israel, demientres ésti nun asuma los compromisos col derechu internacional, de la mesma manera que fadremos contautos colos artistes israelís encamentando-yos a desmarcase de les polítiques del estáu israelí.

De la mesma manera, pediremos-y a les federaciones deportives del estáu español el vetu a les delegaciones qu’en nome del estáu israelí participen n’alcuentros deportivos, dellos de nidiu calter “normalizador” como la participación del Maccabi de Tel-Aviv na EuroLliga, amás de tratase d’un país que nun ye européu.

4 Boicó Académicu.

Encamentamos al conxuntu de la comunidá académica a romper los venceyos d’hermanamientu y cooperación ente les universidaes israelís y les del estáu español.

Nel 5u Aniversariu del manifiestu de BDS, afirmamos el nuestru compromisu colos derechos fundamentales del pueblu palestín, recoyemos el llamáu del Comité Nacional Palestín y esiximos que cualesquier solución política tien que garantizar los derechos humanos del pueblu palestín, recoyíos na declaración del BDS de 2005, que son, principalmente, el fin de la ocupación y colonización israelí y el cumplimientu del derechu a tornar de los refuxaos y refuxaes, tal como recueyen abondes resoluciones de Naciones Xuníes dende 1948.
¡Faigamos del 9 de xunetu un día especial centráu nes aiciones de desobediencia civil como entamu d’una nueva vuelta na campaña de Boicot, Sanciones y Desinversiones pa celebrar los 5 años del movimientu de BDS y p’algamar la mayor audiencia posible!
Barcelona a 9 de Xunetu del 2010

Primeros apoyos:

Red Solidaria Contra la Ocupación de Palestina (RESCOP)
Plataforma Aturem la Guerra
Comunidad Palestina de Canarias
Comunitat Palestina de Catalunya
Asociacion de la Comunidad Palestina en Madrid
Xarxa d'Enllaç amb Palestina
Boicot Preventiu
Intersindical Alternativa de Catalunya (IAC)
Sodepau
Revolta Global-Esquerra Anticapitalista
Komite Internazionalistak
Palestinarekin Elkartasuna
Xarxa de Solidaridad con Palestina (Valencia)
Sodepaz
En Lluita
ISM (Catalunya/Valencia)
Asoc. Alquds de Solidaridad con los Pueblos del Mundo Árabe
CSCA (Comité de Solidaridad con la Causa Árabe)
Ecologistas en Acción
Red de Jóvenes Palestinos
Taula per Palestina de Mallorca
Plataforma Solidaridad con Palestina (Sevilla)
Dones x Dones
Red estatal de Mujeres de Negro
Col·lectiu Antimilitarista de Sant Cugat (CASC)
Celrà x Palestina
Salt x Palestina
El dimoni.com
Boicotisrael.net
Asociación Paz Ahora
Red MEWANDO (Euskadi)
Castelló per Palestina
SODEPAZ-BADAMIL
ASPA. (Asociación Andaluza por la Solidaridad y la Paz)
Plataforma de Solidaridad Avila por Palestina
Comissió Universitària Catalana per Palestina (CUNCAP)
Dones de negre de Mallorca
Ateneo Republicano de Valladolid
Plataforma Solidaria con Palestina-Valladolid
IJAN-Red de Judíos Antisionistas en España
Palestina Lliure de València
Ecologistas en Acción
Mujeres por la Paz y Acción Solidaria con Palestina (Canarias)
Coordinadora de ONGD del Principado de Asturias
Comité de Solidaridad con los Pueblos-Interpueblos (Cantabria)
Plataforma de Solidaritat amb el Poble Palestí d'Eivissa
Confederació General del Treball de Catalunya (CGT)
Alliance for Freedom and Dignity
Observatori del Deute en la Globalització (ODG)
Associació Europea de Cooperació amb Palestina (ASECOP)
SCI Catalunya
Bloque por Asuries
Corriente Sindical de Izquierda (CSI)
Unidá Nacionalista Asturiana (UNA)
Paz con Dignidad
Valencia Solidaria
Comunidad Palestina Valencia
ACSUR-Las Segovias
Asociación Cultura, Paz y Solidaridad Haydée Santamaría
Socialismo XXI
Sindicato Obrero del Campo-Sindicato Andaluz de Trabajadores  (SOC-SAT)
Intersindical Valenciana
PSUC-Viu
Lluita Internacionalista
Izquierda Anticapitalista