Index | Miscelánea
Actualidad
MISCELÁNEA

Sahara

 

 


El Tribunal d'Estrasburgu conderga a Rusia al pagu de 130.000 euros por dellos casos en Chechenia

El Tribunal Européu de Drechos Humanos vién de condergar esti martes a Rusia al pagu d'un total de 130.000 euros pol secuestru d'un home chechenu y por nun investigar eficazmente la muerte de dos neños chechenos dempués d'un ataque con misiles.

RIA Novosti, miércoles, 22 de diciembre, 2010
Traducción: Astur Chechen

El Tribunal Européu de Drechos Humanos vién de condergar esti martes a Rusia al pagu d'un total de 130.000 euros pol secuestru d'un home chechenu y por nun investigar eficazmente la muerte de dos neños chechenos dempués d'un ataque con misiles.

El Tribunal conderga al gobiernu rusu a pagar 73.500 euros a los familiares de Khamid Mukayev, que foi secuestráu por militares rusos durante una operación de seguridá en Katyr-Yurt (República de Chechenia) en Setiembre de 2004.

El Tribunal considera que los familiares de Khamid Mukayev apurrieron una versión coherente y consistente sobre'l secuestru, que foi corroboráu polos testimonios fechos por testigos énte'l Tribunal y durante la investigación.

L'otru casu afectaba a dos neños que fueron asesinaos por un misil en Chechenia mientres volvíen a casa dende la escuela en 2000. El Tribunal sentenció que “nun se llevó a cau denguna investigación efectiva sobre estos asesinatos”.

La Fiscalía rusa abrió una investigación sobre les muerte de los neños, pero nunca nun informó a los familiares de les víctimes sobre'l progresu de la investigación.

Pesie a les peticiones espreses del Tribunal, el Gobiernu rusu nun apurrió documentu dengún sobre'l casu, aludiendo pa ello a la incompatibilidá d'esta petición cola llexislación rusa.

Por embargu, el Tribunal tamién afirma que nun hai evidencies abondes que preben que los neños fueron asesinaos por militares rusos. D'alcuerdu cola Convención Europea de Drechos Humanos, Rusia tién tres meses p'apelar dambes sentencies na Cámara Alta del Tribunal.