Index | Palestina 2008
Actualidad
PALESTINA

Palestina

 

 

 

 

 

 

 

El sofitu de Casa Árabe a “Círculo de Padres” pal Premiu Príncipe de la Concordia

A l’Atención de la Directora de Casa Árabe

Camentamos que ye un despropósitu el sofitu de Casa Árabe a Circulo de Padres pal Premiu Principe de la Concordia. Esa organización enxamás se posicionó contra la ocupación israelina de Palestina

Santiago González, Comité de Solidariedá cola Causa Árabe CSCA

Con Oz

Camentamos que ye un despropósitu el sofitu de Casa Árabe a Circulo de Padres pal Premiu Principe de la Concordia. Esa organización enxamás  se posicionó contra la ocupación israelina de Palestina.

El oponese a la violencia, ensin afectar la causa d’esta, ye querer caltener el status quo de quien detenta’l poder.

Persabemos qu’esa organización cuenta col sofitu de grupos, Infomedio por exemplu, que son al tiempu, fonderamente sionistes y que ya nin siquiera se corten en defender les postures extremes d’agresión israelina, o los incumplimientos de les resoluciones roblaes en Naciones Xuníes, el sopelexu a los dictámenes de la Corte Internacional de La Haya sobre la Muria que se construi na Cisxordania ocupada, etc.

El “Círculo de Padres” o la “Fundación Peres” son entidaes que reciben fondos y subvenciones, gatuñaes baxo l’amparu de amuesar “un palestín” ente los sos abellugaos pero que nun  construin pasos pa la paz, sinon un cantu “contra la violencia” abstracta, ensin entrar nos “asuntos politicos” de la ocupación. Esto ye, por omission, nun se combate nin la violencia del poderosu ocupante israelí, nin se caltien al débil palestín y diluyen vraeres organizaciones israelines o palestines, o mixtes que lluchen contra la ocupación y la violación de drechos humanos seya quien seya’l causante.  Y hai nomes con más meritu. Damos-y dellos exemplos, Centru Palestín de Drechos Humanos-PCHR que promovió una querella n’Audiencia Nacional contra los causantes d’un bombardeu d’Israel en Gaza con catorce civiles asesinaos, motivu pol cual el ministru d’Exteriores español, Sr. Moratinos prometió a la entós ministra israelina Livni camudar la llei española (cosa que fexo, pa escarniu de los defensores de drechos humanos y escontra la impunidá); el Centru d’Información Alternativa-IAC, de Xerusalén…

Polo tanto, si busquen coherencia, rogamos-y que retiren esi sofitu a una entidá con escasu bagax de defensora d’una paz xusta y contra la ocupación.