Carmen despedida de CC.OO.  

 

| Inicio | Principal | Apoyos | Documentos | Prensa |

YA HAY SENTENCIA: CCOO CONDENADA POR DESPIDO IMPROCEDENTE (22-ABRIL-2003)

Foto de la concentración ante los Juzgados de lo Social

CC.OO. d’Asturies condenada por despidu improcedente

 Depués de celebrase’l 14 de marzu xuiciu contra CC.OO. d’Asturies, dictose sentencia y declarose la improcedencia del despidu de Carmen Pérez.

 La demanda presentada se sustentaba en la estimación de que el contrato por obra se había realizado en fraude de ley, al ser las labores que desempeñaba propias y fundamentales de Comisiones Obreras, y máxime cuando la realización del “servicio” para el que había sido contratada seguía y sigue vigente en la actualidad.

 La sentencia, que desestima la petición del abono de los salarios de tramitación hasta la fecha de la misma, declara la improcedencia del despido y condena a CC.OO. de Asturias a optar entre readmitir a la trabajadora o abonar una indemnización por despido.

 Llama la atención que el sindicato-empresa ha optado por la indemnización, contradiciendo, una vez más, su propio discurso que considera que ante un despido improcedente las empresas deben optar por la readmisión y no “cambiar el derecho al trabajo por dinero”.

 

EL VIERNES, 14 DE MARZO, SE CELEBRÓ EL JUICIO CONTRA CC.OO. D'ASTURIES POR DESPIDO

 

Este es el texto que la trabajadora leyó en la Concentración de apoyo y de denuncia de la precariedad laboral en CC.OO. y Forem. el dia de la celebración del juicio

 

 

Compañeres y compañeros:

Lo primero, quería agradecevos la vuestra presencia na concentración y tol apoyu recibíu por cuenta del mio despidu de CC.OO. y del mio determín de denunciar públicamente la situación de precariedá llaboral y de falta de derechos que sufrimos munches y munchos trabayadores de CC.OO. y de Forem.

Tamién quiero agradecer a toles persones que por dellos motivos (llaborales, personales o por mieu a consecuencies) nun puen tar güei equí pero que me fixeron llegar la so solidaridá en tou esti procesu.

Quiero esplicavos que para min yera mui importante llegar a xuiciu, anque la batalla yá taba ganada dende l'Actu de Conciliación cuando CC.OO. reconoció que'l despidu yera improcedente. La llexislación llaboral ye mui restrictiva al respective de la consideranza de despidu nulu: esixe qu'haya un despidu por embaranzu, acosu, representación sindical, vulneración de derechos fundamentales… Y parez que'l derechu al trabayu ye namás un derechu de segunda. Pero equí tamos, porque queríemos estrincar toles posibilidaes llegales. Y más allá de los derechos individuales que me correspuenden como trabayadora, porque nos daba tiempu. Porque daba tiempu pa que la dirección de CC.OO. abriera un discutiniu internu, pa que nun tuviera sides, pa que recapacitara y entonara un mea culpa y cambiara la so política de contratación. Y a nós, pa siguir denunciando de manera colectiva estes práctiques, p'ayudar a esi cambéu. Nós cumplimos. Los que conocistis pela prensa, o en directu, les opiniones de la dirección, sabéis que CC.OO. escoyó, pel momentu y pa la so vergüenza, tolo contrario.

Parezme importante resaltar que CC.OO. nun me despidió porque-y estorbara'l mio trabayu y camiento que, naquel entós, tampoco la mio persona. Lo que-y estorbaba yera qu'a lo llargo d'ocho años y mediu garrara unos derechos. Y eso, ¡qué paradóxico!, al sindicatu esmolecíalu. Nun podemos escaecer qu'una trabayadora ensin derechos ye más bona de callar, que pue sufrir práctiques arbitraries de la empresa, y que pue depender del calter o los intereses del contratador de turnu. Y el sindicatu quería arrampuñar esos derechos col engañu, cola promesa d'otra contratación… Xugando, en resumíes cuentes, ensin escúpulos, col mieu, cola incertidume y los daños que provoca perder un trabayu. Por eso m'ofrecíen un contratu nuevu. Pa callame. Nun quiero "regalos" por bona conducta, nin como afiliada quiero callar ante tanta desvergüenza.

Por eso, y como pienso que nun hai canales internes de defensa, decidí acudir a los tribunales. Pa lluchar polo que me correspuende. Pa sacar a la lluz el trechu tan grande qu'hai ente lo que CC.OO. diz que defende y lo qu'aplica dientro. Pa nun perder la coherencia y dignidá como persona, trabayadora y militante.

CC.OO. tuvo que reconocer qu'incumple la llexislación llaboral y que fai contratos en fraude de llei. Nel mio casu, usáronse contratos que nun correspondíen a los llabores que yo facía; contratos por Obra y Servicio pa un trabayu, la Salú Llaboral, que nun puede considerase como eso. Y, amás, despidos fraudulentos porque los llabores que yo facía siguíen.

Parezme que, más allá del mio casu personal, fai falta siguir la llucha contra la precariedá llaboral en CC.OO. y Forem porque'l sindicatu nun pue siguir instaláu na esquizofrenia de practicar xusto lo contrario que predica nos sos alcuerdos y nos sos discursos públicos. Nun podemos seguir callaos mientres la contradicción ente lo dicho y lo fecho se fai cada día más grande en sindicatu.

Porque lo más grave d'esta situación ye que, en cuenta de ser una escepción, l'usu de contratos temporales financiaos con dineru público procedente de subvenciones, ye una práctica común en CC.OO. Los y les que llevamos años trabayando y militando en sindicatu, apoyando col nuestru llabor profesional l'acción sindical de los afiliaos, afiliaes, delegaes y delegaos sindicales, vémonos obligaos a denunciar que les mesmes inxusticies coles que los compañeros y compañeres s'encaren cada día nes sos empreses cométense tamién dientro de CC.OO.

Nesti añu últimu, CC.OO. foi condergada en firme por violar los derechos fundamentales d'una trabayadora inmigrante, por provoca-y daños morales, por contratos en fraude de llei y por despidos en fraude de llei. Lo más esmolecedor de too ye que, en cuenta de rectificar les actuaciones que lleven al sindicatu a esti tipu de condergues, quier xustificales presentándoles como inevitables y necesaries.

Cuando les que trabayamos en CC.OO. nos decidimos a lluchar polos nuestros derechos, acúsennos, ente otres coses, de traicionar al sindicatu. Según el mio ver:

Los que traicionen al sindicatu son los cabezaleros qu'usen métodos empresariales que tán en contra de lo que prediquen públicamente.

Los que traicionen al sindicatu son los que, en cuenta de favorecer el discutiniu y buscar la solución pa la precariedá llaboral en CC.OO. y Forem, escueyen l'insultu y la difamación de les que reivindicamos los nuestros derechos.

Los que traicionen al sindicatu son aquellos a los que nun-yos da más facer les coses mal, pero sí que-yos da más, y muncho, que se sepa.

Los que traicionen al sindicatu son los que güei, ensin recoyer les opiniones de los sos afiliaos y afiliaes, tán buscando mecanismos pa contratar pior y asina, poder despidir meyor.

Los que traicionen al sindicatu son los que nun se cuestionen el portalgu que tienen que pagar por avanzar hacia un modelu sindical basáu, cada vez más, nes perres que reciben de los poderes públicos.

Los que traicionen al sindicatu, en resume, son los que cometen les inxusticies y non les que les denunciamos.

L'afiliación de CC.OO., y les y los trabayadores asturianos en xeneral, necesitamos un sindicalismu consecuente, del que nun tengamos que nos avergonzar. Güei mesmo, en Cataluña, hai una manifestación de trabayadores contra CC.OO. por firmar alcuerdos efalatando a los determinos de les asamblees, por revientagüelgues, por viendeobreros, por sofitase na policía p'acabar coles reivindicaciones de los sos propios afiliaos, como pasó colos trabayadores de Sintel.

Por eso me pareció que yera'l mio deber como trabayadora y militante denunciar, tanto ante los tribunales como ante la opinión pública, la situación de precariedá y falta de derechos. Toi segura de que la única forma de que les coses cambien nun ye callando ante les inxusticies sinón denunciándoles. Tamién me parez que más lluego que tarde, los que dirixen esti sindicatu nun-yos va quedar más remediu que rectificar y asumir la responsabilidá de que llevaren a CC.OO. a una contradicción imposible de resalavar: actuar como la pior de les patronales diciéndose un sindicatu de clas.

Vuelvo davos les gracies otra vez a toes y a toos enfotada en que vamos siguir xuntos defendiendo l'emplegu estable y con derechos en tolos sitios. Tamién en CC.OO. y Forem.

En toa esta llucha, vi repuestes diferentes y sentí munches opiniones. Toes me faen ver que tamos faciendo lo que tenemos que facer.

Carmen Pérez González. En Uviéu, a 13 de marzu de 2003

¡¡¡¡NON MÁS DESPIDOS!!!

¡¡¡¡EMPLEGU ESTABLE Y CON DERECHOS "TAMIÉN" EN CC.OO.!!!!!


 

 

Fotos de la concentración delante de la sede de CCOO mientras una empresa contratada limpia las pintadas que aparecieron denunciando los despidos y la precariedad en la organización sindical


Contacta con Carmen en carmela@nodo50.org

Ultima actualización el 28/04/2003

 

| Inicio | Principal | Apoyos | Documentos | Prensa |