Un bon númaru de militantes d’AGORA tuvieron presentes na I Fiesta nel Carbayal, entre los cerca d’una centena de miembros d’asociaciones culturales llionesistas qu’eillí s’axuntaron.

Esta xuntanza, celebrada nel Monte San Isidru del arrodiu de Llión Ciudá, supón un pasu alantre nel procesu d’articulación del texíu socio-cultural del nuesu país, porque sirve como xuntura de las corrientes estremadas del denomináu “Llionesismu social”, y que ñaz con una vocación de continuidá.

Tras las manifestaciones públicas del señor Bieito Lobeira (Presidente de la Comisión Permanente d’Educación y Cultura del Parlamentu de Galicia) na súa cabeira visita al País Llionés, la nuesa asociación tamién ye favoratible a que las asociaciones culturales non-gallegas asistan al Parllamentu de Galicia pa dar cunta de la situación del gallegu en tierras llionesas.

Con motivu del Día Nacional de Cantabria una delegación d’AGORA acudióu convidada a los actos entamaos por Regüelta, Conceju Nacionaliegu Cántabru y Abora, en Puente Samiguel, los días 27 y 28 de Xunetu.
Eillí participamos de los conciertos, xuegos tradicionales y, de xeitu especial, nas intervenciones políticas xunto a Abora, CNC, Regüelta, la Intersindical Cántabra, Darréu (Asturies) y el guerrilleiru de la AGE-Cantabria Jesús de Cos.

Miembros d’AGORA tuvieron presentes en Riañu Nuevu, xunta outros militantes del nomáu “Llionesismu Social”, nuna protesta escontra la convocatoria del “XI Día del Turismu de Castiella y Llión” nesta zona tan estrozada de la Montaña Oriental Llionesa.

Si hai una comarca que resuma las burricadas políticas y el colonialismu que sofrimos nesti País, esa ensin dúbida ye la Montaña de Riañu:

Tamos en datas de festividaes y vacaciones pa muitos y muitas, pero AGORA nun descansa en temas como la solidaridá internacionalista, la defensa la Tierra ou los Dreitos Humanos. Eiquí van dalgunos asuntos nos que trabayamos nos últimos meses, entamando pol más urxente:

- El brasileñu Movimientu los Trabayadores Rurales Ensin Tierra (MST) enfréntase a un intentu seriu de criminalización pola parte de sectores reaicionarios del estáu de Ríu Grande del Sur, con una aumentación d’autos xudiciales escontra la organización y de violencia policial escontra los sous militantes.