Contra’l patriarcáu, la esplotación y el maltratu
Por mor del 25 de Noviembre, Día internacional contra la violencia p’hacia la muyer, las muyeres y homes que somos parte d’AGORA facemos saber el nuesu más fondu refugu pa cola violencia de xéneru, en cualisquiera de las formas nas que se manifiesta: agresiones sexuales, acosu ou discriminación llaboral, prostitución, maltratu físicu ou síquicu, etc...
15-N, sal a la cai pa que nun te fagan pagar la súa crisis!
Los Estaos Uníos d’América, y los principales estaos europeos, tienen gana de salvar el sistema financieiru especulativu d’anguañu a costa d’inyectar miles de millones d’euros de los fondos públicos (el Gobiernu Zapatero va dar 100 mil millones a los mesmos bancos que desfiucian muitas familias por nun poder pagar la hipoteca).
Chamáu a la Fuelga Xeneral del Estudiantáu
Dende l’asociación AGORA facemos un chamáu a miembros y simpatizantes, y a la sociedá llionesa en comuña, pa sofitar y participar na Fuelga Xeneral del Estudiantáu del xueves 13 de Noviembre, convocada a nivel estatal, en defensa del enseñu públicu y como refugu al Plan Bolonia.
Mididas como la tresformación de las becas en creitos, la incompatibilidá efeutiva pa la simultaneidá d’estudios y trabayu, ou las práuticas obligatorias non pagadas, supondrán la imposibilidá de formación cimeira pa muitos rapaces y rapazas de familias non puxantes.
Escomencipian las xornadas “Noviembre Antifa” de la CAL
Esti sábadu 8 de noviembre, en Llión Ciudá, van principiar las nuevas xornadas de la Coordinadora Antifacista de Llión, de la que ye miembro AGORA, cola proyeición del documental “La guerrilla de la memoria” y l’alcordanza pa los antifacistas llioneses que lluitaron escontra la dictadura.
Entres que dure'l mes habrá dellos coloquios, un conciertu, un xantar popular y dous actos de cai, de los que podedes ver las datas y llugares nos cartelos axuntos.
Por outra ordenanza de llimpieza pal Conceyu de Llión
AGORA sumóuse a la campaña que dende la Coordinadora Antifacista de Llión y Ecoloxistas n’Aición se fai escontra la Ordenanza reguladora de la llimpieza del Conceyu de Llión.
Esta ordenanza, que ta en periodu d’información pública, llonxe de centrase n’aspeutos básicos de conteníu ambiental, constitúi una ferramienta de “llimpieza ideolóxica”, conforme sanciona de xeito bien duru (entre 751 y 1.500 euros) el repartu d’outaviellas y la colocación de cartelos, peguichos ou pancartas. Sicasí, esclúin las que seyan de calter publicitariu, qu’esas se ve que nun “contaminan”.
