Comunicáu conxunto de las organizaciones llionesistas de la Plataforma l’Augua
Las organizaciones llionesistas que formamos parte de la Plataforma Ciudadana escontra la Privatización del Augua nel conceyu de Llión (“Leonesismo y Sociedad”, FAELE y AGORA), al traviés d’un comunicáu conxuntu, manifestamos el nuesu refugu pa cola aprobación, nel cabeiru plenu’l conceyu, d’esta midida, y de xeitu especial pa cola postura de los conceyales d’UPL.
Xornadas Anticapitalistas Zamora '09
Las organizaciones anticapitalistas y d’esquierdas de Zamora, esmorecídas pola coxuntura económica y socio-política d’anguañu, entamamos dellos coloquios agrupaos baxo’l títulu de “Jornadas Anticapitalistas ’09”, p’amosar al conxuntu la población unos analises y propuestas cara’l futuru.
Celebraránse dende’l llunes 19 al miércoles 21 de xineiru, nel Colexu Universitariu de la Plaza Alemania, de Zamora Ciudá.
Respeutive a la celebración del MC Aniversariu del Reinu de Llión
Dende AGORA, organización de la Esquierda Llionesista, amosamos la nuesa total esmolición tras la creación de la Comisión que va organizar las celebraciones, polas razones darréu:
- Sabemos, por esperiencia na celebración de las Cortes llionesas de Benavente (2002), que tolo que toca la Junta se convierte nuna burlla histórica encarreirada pa inventar un pasáu históricu pa un ente alministrativu, como ye l’autonomía de Castilla y León.
Apertura de la llínia de ferrocarril Vía la Plata
Cuasi venticuatro años dimpués de qu’un gobiernu del PSOE zarrase’l tramu Palazuelo-Astorga, de la llínia de ferrocarril Vía la Plata, rexurde con fuercia la vindicación de la súa inmediata apertura, cola apaición del zamoranu Colectivo Tren Vía de la Plata.
En sofitu las convocatorias escontra las incineraciones
Una de las consecuencias más visibles del colonialismu que carez el País Llionés, ye l’aumentu de proyeutos dañibles que persiguen llibrase de los residuos producíos n’outros llugares del Estáu, como’l yá recurrente del ciminteriu nuclear, ou los más nuevos consistentes na incineración de neumáticos y las queimas en cementeiras.
Anguanu esisten cuatru proyeutos, toos na Provincia de Llión, onde la “Junta de Castilla y León” apuesta por “soluciones qu’escamudan en problemas”, lo que convertirá a la nuesa provincia nortiza na mayor incineradora de neumáticos del Estáu. Contrasta este comportamientu cola actuación d’outros gobiernos autonómicos, como’l de Aragón, onde por Llei s’arrincaron estas práuticas.
