noviembre (6)
Apertura de la llínia de ferrocarril Vía la Plata
Cuasi venticuatro años dimpués de qu’un gobiernu del PSOE zarrase’l tramu Palazuelo-Astorga, de la llínia de ferrocarril Vía la Plata, rexurde con fuercia la vindicación de la súa inmediata apertura, cola apaición del zamoranu Colectivo Tren Vía de la Plata.
En sofitu las convocatorias escontra las incineraciones
Una de las consecuencias más visibles del colonialismu que carez el País Llionés, ye l’aumentu de proyeutos dañibles que persiguen llibrase de los residuos producíos n’outros llugares del Estáu, como’l yá recurrente del ciminteriu nuclear, ou los más nuevos consistentes na incineración de neumáticos y las queimas en cementeiras.
Anguanu esisten cuatru proyeutos, toos na Provincia de Llión, onde la “Junta de Castilla y León” apuesta por “soluciones qu’escamudan en problemas”, lo que convertirá a la nuesa provincia nortiza na mayor incineradora de neumáticos del Estáu. Contrasta este comportamientu cola actuación d’outros gobiernos autonómicos, como’l de Aragón, onde por Llei s’arrincaron estas práuticas.
Contra’l patriarcáu, la esplotación y el maltratu
Por mor del 25 de Noviembre, Día internacional contra la violencia p’hacia la muyer, las muyeres y homes que somos parte d’AGORA facemos saber el nuesu más fondu refugu pa cola violencia de xéneru, en cualisquiera de las formas nas que se manifiesta: agresiones sexuales, acosu ou discriminación llaboral, prostitución, maltratu físicu ou síquicu, etc...
15-N, sal a la cai pa que nun te fagan pagar la súa crisis!
Los Estaos Uníos d’América, y los principales estaos europeos, tienen gana de salvar el sistema financieiru especulativu d’anguañu a costa d’inyectar miles de millones d’euros de los fondos públicos (el Gobiernu Zapatero va dar 100 mil millones a los mesmos bancos que desfiucian muitas familias por nun poder pagar la hipoteca).
Chamáu a la Fuelga Xeneral del Estudiantáu
Dende l’asociación AGORA facemos un chamáu a miembros y simpatizantes, y a la sociedá llionesa en comuña, pa sofitar y participar na Fuelga Xeneral del Estudiantáu del xueves 13 de Noviembre, convocada a nivel estatal, en defensa del enseñu públicu y como refugu al Plan Bolonia.
Mididas como la tresformación de las becas en creitos, la incompatibilidá efeutiva pa la simultaneidá d’estudios y trabayu, ou las práuticas obligatorias non pagadas, supondrán la imposibilidá de formación cimeira pa muitos rapaces y rapazas de familias non puxantes.
