mayu (4)
Xornadas sobro la Clas Trabayadora y la Crisis
Dende la Rede d’Apoyu Mutuu de Llión (a la que pertenez AGORA), y a comuña col MUSAC, entámanse unas xornadas pa entender la crisis económica d’anguañu, dende’l puntu de vista de la clas obreira y los sectores sociales más desfavorecíos.
Estas xornadas tratarán temáticas como la precariedá, el desemplegu, la responsabilidá social, la situación de los inmigrantes, etc. al traviés d’un ciclu de cine, dellas conferencias y alderiques.
Ante la manipuliación de las eleiciones europeas
Dimpués de l’anulación provisional de la candidatura d’Iniciativa Internacionalista pa las eleiciones europeas del 7 de Xunu, AGORA País Llionés manifiesta lo siguiente:
- El nuesu más fondu repunu pa cola criminalización, por parte la maraña político-mediática del Estáu Español, hacia los proyeutos eleutorales d’Iniciativa Internacionalista, Unidá Nacionalista Asturiana y Coalición por las Repúblicas Soberanas en Europa.
Y, polo tanto, la nuesa más candial solidaridá pa colos sous miembros.
Proclama en favor d'una Fiesta del País Llionés
Las organizaciones sociales más activas del Llionesismu (Ciudadanos del Reinu de Llión, AGORA País Llionés, Plataforma Pro Identidad Leonesa, Raigañu, ComunidadLeonesa.ES, etc.) llevamos un tiempu trabayandu pa entamar una celebración añal, que conmemore’l llogru de la nuesa sobrevivencia como pueblu.
Una fazaña de tal calibre, supón el trunfu del xéneru humanu sobro los intentos xenocidas, colonialistas y aculturizadores que sofrimos, dende hai sieglos, nel País Llionés.
Aínda nun consiguieron facenos saparcer, el nuesu pueblu resistíu y sigue resistiendu, y caltenemos firme la nuesa voluntá de que, las xeneraciones venideiras, puedan desarrollar en llibertá la identidá cola que decidan vivir.
Primeiru Mayu'09
La nuesa organización conmemoróu esti Primeiru Mayu, Día l’Internacionalismu Obreiru, saliendu a las cais de dalgunas ciudaes del País Llionés:
Nas de Salamanca y Zamora acudimos a las manifestaciones de CCOO y UGT pa repartir pasquines col Manifiestu que, pa esti 2009, ellaboramos.
Y na Ciudá de Llión, participamos na organización d’un actu (al traviés de la Rede d’Apoyu Mutuu) na Plaza Don Gutierre, onde muitas personas s’averanon al nuesu puestu de material.
