marzu (3)

Vivimos una de las crisis más graves y fondas que produxo’l Capitalismu: una crisis mundial y global, que nun solo ye financieira, sinón tamién enerxética, ecolóxica y alimenticia.

Entres que’l Gobiernu Español toma mididas solo pa favorecer a la Banca y las grandes corporaciones, la población llionesa ve medrar el paru, la emigración y el despoblamientu, los precios de los alimentos, y l’estrozu y privatización de los servicios públicos.

Caltiénse la lluita escontra la privatización, “mercantilización” y “elitización” de las universidaes públicas, con una xornada de fuelga xeneral, y dalgunas manifestaciones, el xueves 12 de marzu. Estas movilizaciones alcordáronse polos diferentes conceyos d’estudiantes a nivel estatal.

Dende la organización AGORA caltenemos el nuesu sofitu a las lluitas de tol conxuntu del estudiantáu, canalizáu al traviés del llabor de los conceyos y organizaciones d’estudiantes llionesas como CEA ou AEU.

Dende la organización AGORA condergamos rotundo los socesos provocaos pola policía española, na madrugada del vienres 20 de Febreiru, en dellas cais y llocales de fuelga de la zona vieya la Ciudá de Llión, y amosamos la nuesa solidaridá candial pa colos deteníos y/ou zurracaos.

Nesa nueite, cola sida d’una redada preventiva escontra las drogas y las armas blancas, la Unidá d’Intervención Policial treslladada dende Valladolid por orde la Subdelegación de Gobiernu, intervinu d’una forma violenta, descomanada y ensin entremediar provocación denguna, contra los y las asistentes a un pub d’ambiente antifacista.