cultura (4)

Ante las noticias sobro’l conteníu negacionista del Holocaustu, na páxina de formatu wiki «Llionpedia», dende la organización de la Esquierda Llionesista AGORA País Llionés manifestamos lu que vien arréu:

- El nuesu más firme refugu por esi y outros conteníos negacionistas y filofacistas. Repuna ver como nuna enciclopedia, que diz “buscar el puntu de vista neutral”, na categoría “Historiadores” solo apaeza David Irving, el más destacáu negacionista defensor de la inocencia d’Hitler nel xenocidiu nazi. Condergáu en 2006 a tres años de cárcele n’Austria por ñegar l’Holocaustu y por falsiar la Historia (delitu del que se confesóu culpable) y orador davezu nos círculos neonazis europeos.

Frutu de la collaboración entre la Rede d’Apoyu Mutuu de Llión (na qu’AGORA participa) y el MUSAC, entámase esti llunes 22 de xunu un seminariu col filósofu Santiago Alba Rico, autor d’obras como “Capitalismo y Nihilismo”, “Cuba: la ilustración y el socialismo” ou “Viva el mal, Viva el capital”.

La xornada emprincipia a las 19 horas con un coloquiu de Santiago Alba, siguida d’una mesa de diálogu, hasta las 22 horas. El tema central sedrá’l tratáu nel sou ensayu “Las reglas del caos”, que toma como entamu la ocupación d’Iraq y las manifestaciones ciudadanas a la escontra.

Tras las manifestaciones públicas del señor Bieito Lobeira (Presidente de la Comisión Permanente d’Educación y Cultura del Parlamentu de Galicia) na súa cabeira visita al País Llionés, la nuesa asociación tamién ye favoratible a que las asociaciones culturales non-gallegas asistan al Parllamentu de Galicia pa dar cunta de la situación del gallegu en tierras llionesas.

Conscientes del importante papel que las nuevas teunoloxías pueden xugar nel caltenimientu y desendolque de las nuesas llinguas tradicionales, decidimos sofitar los proyeutos (PuntoGal, PuntuAST y Puntu.LLI) que persiguen algamar dominios propios, n’internet, pa ellas.