ecoloxismu (6)

Yá tenemos na nuesa tienda 33 camisetas contra’l proyeutu de llinia d’alta tensión Sama-Velilla, con precios de 10 y 12 euros. El dineiru recaudáu sedrá dafeitu pal Movimientu Cívicu contra la Sama-Velilla.

Las camisetas tienen las opciones: D’home ou de muyer, en colores mariellu ou negru, tallas XL, L, M y S, y manga curtia ou llarga.
Pa facer pidíos, entrugar si ta disponible y demás, escribe a agorapaislliones[arroba]gmail.com

Dende 1996, el día 17 d’abril, los movimientos campesinos de tol mundu celebran el Día Internacional de la Lluita Campesina. La data propúnxose pola Vía Campesina pa recordare la masacre d’Eldorado dos Carajás, nel estáu brasileñu de Pará, que resultóu na muerte de 19 campesinos y centenares de feríos, nuna movilización del Movimento dos Trabalhadores Rurais Sem Terra (MST).

Ún de los actos celébrase nel nuesu país, na llocalidá berciana de Cacabelos, entamáu pola Asociación d’agricultura ecolóxica “La Olla del Bierzo”. Emprincipiará’l

El sábadu 4 d’abril, acudiendo a la chamada de la Plataforma Bierzo Aire Limpio, AGORA presentóu un recursu de reposición contra l’autorización ambiental, concedida pola Junta a Endesa, pa la térmica de Cubillos del Sil.

El recursu considera nula de plenu dereitu l’amentada autorización, yá que permite la emisión de gases contaminantes porriba los niveles llegales establecíos.

Una de las consecuencias más visibles del colonialismu que carez el País Llionés, ye l’aumentu de proyeutos dañibles que persiguen llibrase de los residuos producíos n’outros llugares del Estáu, como’l yá recurrente del ciminteriu nuclear, ou los más nuevos consistentes na incineración de neumáticos y las queimas en cementeiras.
Anguanu esisten cuatru proyeutos, toos na Provincia de Llión, onde la “Junta de Castilla y León” apuesta por “soluciones qu’escamudan en problemas”, lo que convertirá a la nuesa provincia nortiza na mayor incineradora de neumáticos del Estáu. Contrasta este comportamientu cola actuación d’outros gobiernos autonómicos, como’l de Aragón, onde por Llei s’arrincaron estas práuticas.

Una vuelta más, los llioneses y llionesas volvemos a ser estafaos polos nuesos gobernantes: Solo tres meses dimpués de que los representantes políticos de los partíos sucursalistas anunciaran que nun diban permitir la construcción d’una lliña ellétrica innecesaria al traviés de la montaña llionesa, el Conseyu de Ministros del Gobiernu d’España ta acabantes aprobar el Plan del gas y la enerxía 2008-2016, qu’inclúi esa lliña.