esquierda (8)

Dende la Rede d’Apoyu Mutuu de Llión (a la que pertenez AGORA), y a comuña col MUSAC, entámanse unas xornadas pa entender la crisis económica d’anguañu, dende’l puntu de vista de la clas obreira y los sectores sociales más desfavorecíos.

Estas xornadas tratarán temáticas como la precariedá, el desemplegu, la responsabilidá social, la situación de los inmigrantes, etc. al traviés d’un ciclu de cine, dellas conferencias y alderiques.

La nuesa organización conmemoróu esti Primeiru Mayu, Día l’Internacionalismu Obreiru, saliendu a las cais de dalgunas ciudaes del País Llionés:

Nas de Salamanca y Zamora acudimos a las manifestaciones de CCOO y UGT pa repartir pasquines col Manifiestu que, pa esti 2009, ellaboramos.

Y na Ciudá de Llión, participamos na organización d’un actu (al traviés de la Rede d’Apoyu Mutuu) na Plaza Don Gutierre, onde muitas personas s’averanon al nuesu puestu de material.

Esti sábadu, neonazis pertenecientes a bandas prósimas a “Blood & Honour” (Sangre y Honor) y al partíu políticu Alianza Nacional, convocan un conciertu nacionalsocialista col nome de “Tierras Celtas”, nalgún llugar de Llión, ensin astrevese a anuncialo en públicu.

La impunidá cola qu’estos suxetos actúan, a pesar de l’amplia respuesta popular que dende’l nuesu país siempres se-ys dióu, ye evidente.

Cuando llevamos cuasi un mes dende’l cabeiru gran ataque militar, del exércitu israelín escontra’l pueblu palestín, y superaos yá los mil muertos, muitos d’ellos civiles, las organizaciones d’esquierdas que soscribimos la convocatoria, convidamos a tola ciudadanía llionesa pa salir a la cai y desixir el fin d’esta masacre.

Las organizaciones anticapitalistas y d’esquierdas de Zamora, esmorecídas pola coxuntura económica y socio-política d’anguañu, entamamos dellos coloquios agrupaos baxo’l títulu de “Jornadas Anticapitalistas ’09”, p’amosar al conxuntu la población unos analises y propuestas cara’l futuru.

Celebraránse dende’l llunes 19 al miércoles 21 de xineiru, nel Colexu Universitariu de la Plaza Alemania, de Zamora Ciudá.