llionesismu (6)

Esta segunda fin de semana de xunu, cola acordanza de las Cortes llionesas de 1188, las y los miembros de la nuesa organización conmemoramos la nuesa fiesta nacional.
Y lo ficimos, axuntándonos nel marcu de la I Fiesta Cultural del País Llionés, entamada en Santa Croya de Tera.

Las organizaciones sociales más activas del Llionesismu (Ciudadanos del Reinu de Llión, AGORA País Llionés, Plataforma Pro Identidad Leonesa, Raigañu, ComunidadLeonesa.ES, etc.) llevamos un tiempu trabayandu pa entamar una celebración añal, que conmemore’l llogru de la nuesa sobrevivencia como pueblu.

Una fazaña de tal calibre, supón el trunfu del xéneru humanu sobro los intentos xenocidas, colonialistas y aculturizadores que sofrimos, dende hai sieglos, nel País Llionés.
Aínda nun consiguieron facenos saparcer, el nuesu pueblu resistíu y sigue resistiendu, y caltenemos firme la nuesa voluntá de que, las xeneraciones venideiras, puedan desarrollar en llibertá la identidá cola que decidan vivir.

Las organizaciones llionesistas que formamos parte de la Plataforma Ciudadana escontra la Privatización del Augua nel conceyu de Llión (“Leonesismo y Sociedad”, FAELE y AGORA), al traviés d’un comunicáu conxuntu, manifestamos el nuesu refugu pa cola aprobación, nel cabeiru plenu’l conceyu, d’esta midida, y de xeitu especial pa cola postura de los conceyales d’UPL.

Dende AGORA, organización de la Esquierda Llionesista, amosamos la nuesa total esmolición tras la creación de la Comisión que va organizar las celebraciones, polas razones darréu:

- Sabemos, por esperiencia na celebración de las Cortes llionesas de Benavente (2002), que tolo que toca la Junta se convierte nuna burlla histórica encarreirada pa inventar un pasáu históricu pa un ente alministrativu, como ye l’autonomía de Castilla y León.

Un bon númaru de militantes d’AGORA tuvieron presentes na I Fiesta nel Carbayal, entre los cerca d’una centena de miembros d’asociaciones culturales llionesistas qu’eillí s’axuntaron.

Esta xuntanza, celebrada nel Monte San Isidru del arrodiu de Llión Ciudá, supón un pasu alantre nel procesu d’articulación del texíu socio-cultural del nuesu país, porque sirve como xuntura de las corrientes estremadas del denomináu “Llionesismu social”, y que ñaz con una vocación de continuidá.