Escontra las DOT

Nel entornu la manifestación contra las DOTS-MCC, entamada pol Conceyu de Cistierna, AGORA emprencipióu la súa campaña contra l’afán de la Junta de desapartar la montaña nortiza llionesa en dúas, y aunir una parte cola montaña de la Provincia de Palencia.
Con una enorme pancarta, bandeiras y repartu de dípticos, participamos na manifestación d’unas dúas mil personas, nun cortexu en comuña con miembros de los CJC-CMC.

Pa nosoutros y nosoutras, esti proyeutu escandalexa, puesto que pasa porriba de las comarcas históricas y esconde escuros intereses especulativos, con forma de “marbellización” de zonas de gran valir natural.
Lo que necesitan los y las habitantes de la zona son inversiones que fomenten la súa calidá de vida, y non planes astrautos interesaos, diseñaos dende la distancia y la desconocencia.

Al empar, amosamos el nuesu refugu a cualisquiera solución que nun seya la retirada dafeitu del proyeutu, incluyendo’l supuestu rumiendu d’unas “DOTS llionesas”. Descomanada trangayada, puesto que nunca podrán ser “llionesas” unas normas que dicta un gobiernu castellanu.