En solidaridá colas víctimas de la represión
Ante l’inminente empiezu de dous xuicios de claru calter políticu, n’AGORA posicionámonos colos imputaos, y denunciamos el recorte de llibertaes y la represión política d’anguañu nel Estáu Español, por vía xurídica y/ou alministrativa, contra las voces disidentes.
Nel primeiru casu trátase d'un xuiciu de faltas por “desllucimientu de bienes”, contra compañeiros zamoranos d'Izquierda/Esquierda Anticapitalista.
Ante la manifestación agraria
Dende la nuesa organización chamamos a participar na manifestación agraria del vienres na Ciudá de Llión, porque compartimos l'esmolecimientu de la nuesa población rural ante'l presente y el futuru d'ún de los nuesos principales sectores productivos.
Por embargu, el nuesu analís de la situación afástase en gran midida del de las organizaciones agrarias convocantes, como puedes lleer nel nuesu comunicáu pa la ocasión.
Novedá na nuesa tienda
Yá tenemos na nuesa tienda 33 camisetas contra’l proyeutu de llinia d’alta tensión Sama-Velilla, con precios de 10 y 12 euros. El dineiru recaudáu sedrá dafeitu pal Movimientu Cívicu contra la Sama-Velilla.
Las camisetas tienen las opciones: D’home ou de muyer, en colores mariellu ou negru, tallas XL, L, M y S, y manga curtia ou llarga.
Pa facer pidíos, entrugar si ta disponible y demás, escribe a agorapaislliones[arroba]gmail.com
AGORA y la Llionpedia
Ante las noticias sobro’l conteníu negacionista del Holocaustu, na páxina de formatu wiki «Llionpedia», dende la organización de la Esquierda Llionesista AGORA País Llionés manifestamos lu que vien arréu:
- El nuesu más firme refugu por esi y outros conteníos negacionistas y filofacistas. Repuna ver como nuna enciclopedia, que diz “buscar el puntu de vista neutral”, na categoría “Historiadores” solo apaeza David Irving, el más destacáu negacionista defensor de la inocencia d’Hitler nel xenocidiu nazi. Condergáu en 2006 a tres años de cárcele n’Austria por ñegar l’Holocaustu y por falsiar la Historia (delitu del que se confesóu culpable) y orador davezu nos círculos neonazis europeos.
Yá ta na Rede’l númaru 0 d’El Pegollu
Cuando yá preparamos el nuevu númaru del nuesu voceiru nacional, ufiertámoste la posibilidá de consultar en formatu dixital el númaru anterior.
Nél podrás lleer el nuesu especial sobro’l 1º de Mayu, entrevistas a FAI! y a la Plataforma Antifacista de Zamora, y artículos sobro Amenorgamientu, los Conceyos Llioneses, Mocedá Cisastur y más...
Tienes accesu a tou al traviés de la nuesa seición de Multimedia
