Militantes d’AGORA País Llionés participamos esti 25 y 26 de xuliu, xunto colas delegaciones del Sindicato Andaluz de Trabajadores (SAT) y de la organización independentista andaluza Jaleo!!!, nel Día Nacional de Cantabria, convidaos pola organización moza Regüelta.

El programa d’actos, celebraos en Bárcena La Puenti/Puente San Miguel (Besaya), foi bien completu, con actividaes pa neños, deportes tradicionales, folclor, comidas, conciertos…D’entre ellas destaca l’alderique «Soberanías. Harramientas de Liberación», cola participación de Regüelta ─soberanía nacional─, Asamblea Ciudadana por Torrelavega y Podemos ─soberanía popular─, Langresta ─soberanía sobro’l propiu cuerpu, nesti casu de la muyer─, UGAM-COAG ─soberanía alimentaria─ y el Sindicato Unitario de Cantabria ─soberanía obreira─. Nél va debatise la situación d’anguaño y las perspeutivas de futuru d’estas soberanías.

Dende AGORA País Llionés camentamos como’l capitalismu ye’l principal pilancu colo que s’alcuentran tódolos procesos emancipatorios: al sistema capitalista interésan-ye los mercaos amplios y esto va atacar la soberanía nacional; interésa-ye una sociedá clasista y piramidal y esto va atacar la soberanía popular; interésa-ye que la muyer seya l’escedente de manu d’obra y una «fábrica» de nuevos suxetos que reproduzan la estructura social, y esto va atacar la soberanía sobro’l propiu cuerpu femenín; interésa-ye que nun controlemos la producción de los alimentos, y esto va atacar la soberanía alimentaria y la propia esistencia. Pa finar, interésa-ye que nun controlemos los medios de producción y, polo tanto, nin las condiciones llaborales, nin la redistribución de la riqueza, lo que va anular la soberanía obreira.

L’actu políticu, col títulu de “Soberanía pa dicidir nós”, cuntóu colas intervenciones de Regüelta, Stop Desahucios-PAH, el SAT, Jaleo!!! y la nuesa (amosada embaxo). Pa rematar, izóuse la bandeira nacional cántabra ─“el lábaru”─ al tiempu la música de gaitas y el cantar de «Viva la Montaña», bien popular nel nuesu país y outra muestra más de que somos pueblos hermanos.

Foi prestoso ver la participación de bien de xente que nun yera de las organizaciones  que convocaban, aprendiendo y ensiñando dende los sous puntos de vista. Amás, chámanos l’atención la xuntura de los movimientos sociales cántabros, cola colaboración entre coleutivos y la unidá de las lluitas, por exemplu cola coordinadora “Cantabria no se vende”.

Dende AGORA País Llionés felicitamos a Regüelta y a toda la xente que fizo posible estos actos del Día Nacional de Cantabria 2014, y tamién saludamos a la delegación andaluza que compartíu estos días con nós.

Eiquí vos dexamos la nuesa intervención nel actu políticu:

«Esta ye la segunda vegada na que participamos nel Día Nacional de Cantabria, dempués de que lu ficieramos nel añu dous mil ochu. Préstanos abondo recibir siempres el vuesu convite, ya que, como internacionalistas, paeznos necesariu l’apoyu entre pueblos, y más entre Cantabria y el País Llionés, pola sua condición de vecinos con bien de problemas comunes, por mor del capitalismu imperialista y los caciques del llugar.

Asina, sofrimos el mesmu espoliu llingüísticu, medioambiental ya identitariu, qu’inclusive trata de neganos la nuesa esistencia col alcuñu de castellanos y castellanas, como restos d’una ideoloxía españolista que busca la confrontación con outros pueblos del Estáu, n’especial los que llevan más avanzáu’l sou camín cara l’autogobiernu. 

Pero nun nos van engañar y el tiempu va danos la razón: fortaleciendo l’apoyu mutuu y espertando a la clas trabayadora de los golpes de probeza y represión d’aquellos que nos chaman radicales polas nuesas lluitas, entres ellos desahucian, encarcelan, torturan ou mesmu bombardean a civiles como en Palestina, Siria ou Ucrania.

 ¡Puxa’l País Llionés Llibre! ¡Upa Cantabria Libri!».