Hai 33 meses qu’AGORA País Llionés s’asitióu a favor de la consulta catalana pol dereitu a decidir. Anguaño, a las puertas de la data del referéndum que vai perguntar la gana (ou non) de formar una república catalana, vémonos na responsabilidá de repitir qu’ensin autodetermín nun hai democracia y, poro, a denunciar a los partíos políticos españolistas y el sou usu de dellos resortes del poder al sou algame (burocráticos, xudiciales, mediáticos…). Un pequeñu exemplu ye la moción promovida pol Partíu Populista (PP) nos conceyos y deputaciones de la nuesa tierra, papel moyáu chenu de cinismu que namás vai sirvir pa retratar la falta de sentíu de partíos cumo la UPL.

Frente a esto, dende AGORA País Llionés promovemos dellas aiciones públicas qu’amuesan que las opiniones democráticas nun pueden ser despintadas pol pensamientu únicu de la oligarquía dominante y negadas d’un xeitu sistemáticu polos mecanismos del Estáu al sou serviciu. Una d’ellas, puesto que’l nuesu pensamientu políticu asítiase na clas trabayadora, ye’l sofitu públicu a campañas que dende la esquierda buscan una potencial rotura sistémica que torgue reproducir l’esquema capitalista nun futuru estáu de nueva creación. D’esta miente, sumámonos al manifiestu entamáu por Comunistes pel sí, cuntando que’l referéndum solo ye un pasu na lluita por un nuevu marcu de convivencia favoratible a los intereses de las clases populares catalanas.

Pa fin y postre, n’AGORA País Llionés entendemos que, nuna sociedá moderna, las personas tienen de poder escoyer d’un xeitu democráticu los marcos políticos, sociales y económicos que-yes afeutan; y facémoslu con un convencimientu dafeitu, seique por ser el puebru llionés unu de los más castigaos pola quiebra d’esti principiu del dereitu internacional. Poro, chamamos a tódalas personas llionesas exiliadas que puedan votar nel referéndum del 1 d’outubre a que lo faigan d’un xeitu afirmativu, pa poder construyir una república catalana, debilitando asina las bases del réxime del 78 col propósitu de que se pueda abrir un espaciu d’oportunidá pa la lliberación nacional y social del restu de puebros del Estáu.