Presentóuse, na ciudá de Zamora, la Plataforma pol Ferrocarril del País Llionés, na que dellas organizaciones del país vamos axuntanos en favor d’un tresporte esencial pa la nuesa sobrevivencia nesta parte del mundu, pero tamién a nivel global, polos sous valores ambientales y sociales.

El tren pol que vamos puxar ye’l tren convencional; el que permite’l pasu de personas y mercancías pola mesma vía; el que comunica los nuesos pueblos y comarcas ensin pasar de llargo; el que nun supón enterrar millones d’euros pol emburriu de las grandes empresas constructoras.

Somos conscientes que, nesta llexislatura, el Gobiernu d’España quier facer un pautu polas infraestructuras y las comunicaciones y, nesti contestu, el pueblu llionés merez tener una voz propia pa caltener las llinias d’anguañu y demandar l’apertura de la Vía de la Plata, auténticu espinazu del País Llionés, polo qu’AGORA País Llionés chama a participar na manifestación del día 9 n’Hervás (Extremadura).