N’acordanza de la Hermandá Mayor conceyil llionesa

Hai 721 años, un 12 de xuliu como güei, creóuse la Hermandá Mayor supra-conceyil llionesa, siguiendo col puxu que, dende l’anterior 17 de mayu, niciaron los conceyos de Zamora, Salamanca y Alba de Tormes. Aquella unión conceyil afitaba nas súas ordenanzas (la llexislación conceyil) l’ayuda mutua nel casu d’abusu pola parte los poderosos, chegando a xustificar la pena capital pal noble en determinaos supuestos, ya inclusive aproclamando’l sou dereitu a rebelase contra’l rei en casos concretos -la Hermandá Mayor concluye nas súas ordenanzas que nun diban quedar de brazos cayíos si’l rei Fernando, ou outros reis que vinieran dempués, quixeran pasar de llargo los fueros y llibertaes que los conceyos poseyían-.

La esistencia de los conceyos a lo llargo de la historia llionesa nun estuvu llibre de la lluita entre’l puebru chanu y los nobles, como podemos ver nos feitos acaecíos –por citar dalgunos, ensin ser una llista total- en Valdeburón (contra los Tovar), en La Guareña (contra los Maldonado), na Tierra la Reina (contra los Marqueses de Valverde la Sierra), nos valles altos del Cea (contra’l Duque d’Uceda ou los Osorio), na montaña cantábrica occidental llionesa (contra los Quiñones), na xurisdicción de Vegas del Condáu (contra’l Duque de Medina de las Torres) y en muitas outras comarcas de la xeografía llionesa onde’l mesmu puebru chanu, organizáu nos conceyos y hermandaes, fizo frente a los poderosos.

Esta historia de los conceyos ye arrequexada con intención -de la mesma forma que la mayor parte la historia del nuesu puebru- resultando, con llaceria, poucu conocía y valorada pol conxuntu del puebru llionés. Señalando esta efeméride, n’AGORA País Llionés buscamos reconocer l’esfuerzu que mantuvieron los homes y muyeres del puebru chanu que lluitaron polo sou ante l’adversidá, yá fuese polos entoxos de los nobles ou polas inxusticias del naciente Estáu español.

Ye, en resultancia, un exemplu de lluita que nos puede guiar ante los retos que se nos presentan, con un presente y un futuru nada falagueiros onde l’esbarrumbamientu del mediu rural llionés, la despoblación que nun cesa, la desigualdá, la mayor probeza ou la precariedá y temporalidá, son davezu más agudas. Ante esto, consideramos conveniente lliberar la memoria histórica de los conceyos llioneses (que, dalguna forma, pervive nas Xuntas Vecinales) como base pa llevantar un futuru meyor. Los valores conceyiles -democráticos y comunales- son los valores del nuesu Puebru, aquellos nos que se debe asentar la construcción d’un País Llionés llibre, xustu ya igualitariu.

¡¡Nun perdamos la memoria histórica del nuesu Puebru!! ¡¡Pola memoria histórica de los nuesos conceyos!!